ဝါထပ်ရခြင်းအကြောင်း

Ashin Tikkhanyanalinkara > ဓမ္မသာကစ္ဆာ"" သံသရာခရီးအတွက် ဓမ္မတွေသီကျူး မေးမြန်း""
ဝါထပ်ရခြင်းအကြောင်းနှင့်
ဘုရားရှင်လက်ထက် အခါတွင် ဝါထပ်ခြင်း ရှိ, မရှိ
။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။
အရှင်ကုသလ မေးလျှောက်လွှာ

“ဟောဒီစာက ကောလင်းမြို့နယ်၊ အရှင်ကုသလထံမှ မေးလျှောက်လွှာဖြစ်ပါတယ်၊ အရှင်ကုသလရဲ့ နေရပ်၊ ကျောင်းအမည်များ မပါ၊ သာသနာဝင် အမှတ် -၅/ ဝသန(သ) ၀၀၀၄၃၂-သာပါတယ်ဘုရား”

၂၀၁၅ ခုနှစ် မေ လ ဓမ္မဒါန ကုသိုလ်ရှင်များ

၂၀၁၅ - ဇန္နဝါရီ ဖေဖော်ဝါရီ မတ် အနုမောဒနာမှတ်တမ်း

၂၀၁၅ခုနှစ် ဇန္နဝါရီ ဖေဖော်ဝါရီ မတ် ဓမ္မဒါန ကုသိုလ်ရှင်များ

သာသနာ့မဏ္ဍိုင် ဓမ္မဒါနငွေပဒေသာပင်မှတ်တမ်း

၂၀၁၅ ခုနှစ် ဧပြီလ ဓမ္မဒါနကုသိုလ်ရှင်များ

မဟာသမယ အခါတော်နေ့ နယုန်လပြည့်

နယုန်လပြည့် (မဟာသမယအခါတော်နေ့)
********************************

နယုန်လပြည့်နေ့သည် ဗုဒ္ဓဘာသာဝင်တို့အဖို့ ငြိမ်းချမ်းရေးမှတ်တိုင်ကို စိုက်ထူနိုင်သော သမိုင်းဝင် နေ့ထူးနေ့မြတ်ကြီး ဖြစ်ပါသည်။ မြတ်စွာဘုရားသည် ထိုနေ့၌ ကပိလ၀တ်ပြည် မဟာဝုန်တောကြီးအတွင်း မဟာသမယသုတ် ဟောကြားတော်မူသည်ကို အကြောင်းပြု၍ နယုန်လပြည့်နေ့၌ မဟာသမယအခါတော်ပွဲ ကျင်းပရခြင်း ဖြစ်ပါသည်။

နယုန်လပြည့်နေ့၏ ထူးခြားချက်များမှာ ....

၁။ ရေလုပွဲကြီး ဆင်နွှဲကြသော တောင်သူလယ်သမားတို့ ငြင်းခုံခိုက်ရန်ဘေးမှ ကင်းဝေး၍ ထူးခြားခြင်း၊

၂။ ကပိလ၀တ်နှင့် ကောလိယ နှစ်ပြည်ထောင် စစ်ခင်းတော့မည့် ဘေးအန္တရာယ်မှ ကင်းဝေး၍ ငြိမ်းချမ်းရေးရသော နေ့ဖြစ်၍ ထူးခြင်းခြင်း၊

၃။ နတ်ဗြဟ္မာ အသုရာနှင့် ဂဠုန် နဂါးများ၊ ရဟန်းတော်များလက်ထက်တွင် ဤတစ်ကြိမ်သာ စုရုံးမိသော နေ့ဖြစ်၍ ထူးခြားခြင်း၊

၎။ မင်းသားငါးရာ သာသနာ့ဘောင်သို့ ၀င်ရောက်သော နေ့ဖြစ်၍ ထူးခြားခြင်း၊

၅။ ရဟန်းတော်ငါးရာလုံး ရဟန္တာချည်းဖြစ်သော နေ့ဖြစ်၍ ထူးခြားခြင်း၊

၆။ နိမ္မိတဘုရားကမေး၍ ပကတိဘုရားက ဖြေဆိုသည်ကို နာရသောကြောင့် ထူးခြားခြင်း၊

၇။ မဟာသမယကို အကြောင်းပြု၍ ဂဠုန်နှင့် နဂါးတို့ ခိုက်ရန်မဖက် မေတ္တာသက်ဝင်သော နေ့ဖြစ်၍ ထူးခြားခြင်း၊

၈။ မဟာသမယဆိုင်ရာ သုတ္တန် ၇ မျိုးကို ဟောကြားသော နေ့ဖြစ်၍ ထူးခြားခြင်း၊

၉။ ဘိက္ခုနီသာသနာ လမ်းစပေါ်သော နေ့ဖြစ်၍ ထူးခြားခြင်း၊

ဤထူးခြားမူများကို အာရုံပြု၍ ဗုဒ္ဓဘာသာဝင်တို့က နယုန်လပြည့်နေ့ကို မဟာသမယအခါတော်နေ့ အထိမ်းမှတ်အဖြစ် ကျင်းပခြင်းဖြစ်ပါသည်။

မဟာသမယသမိုင်း
***********************

ရှေးအခါက အိန္ဒိယနိုင်ငံတွင် ကပိလ၀တ်ပြည်မှ လယ်သမားများနှင့် ကောလိယပြည်မှ လယ်သမားတို့ ရောဟိနီမြစ်မှရေကို အကြောင်းပြု၍ ရေလုပွဲကြီး ဆင်နွှဲခဲ့ကြဖူး၏။ လယ်သမားများကိုအကြောင်းပြု၍ နှစ်ဖက်နိုင်ငံမှ မင်းညီမင်းသားများနှင့် စစ်သည်တော်များသည်လည်း ရောဟိနီမြစ်ရှိရာသို့ ရောက်ရှိလာကြ၏။ နှစ်ဖက်နိုင်ငံမှ လူအများတို့သည် တုတ်,ဓား လက်နက်ကိုင်ဆောင်၍ ထိုးခုတ်တိုက်ခိုက်တော့မည့် အခြေအနေသို့ ရောက်ရှိနေကြ၏။

ပဋိပက္ခဖြစ်သည့်နေရာသို့ မြတ်စွာဘုရားရောက်ရှိလာပြီး ငြိမ်းချမ်းရေးကို ရှေ့ရှု၍ အောက်ပါဝတ္တုများကို သာဓကထုတ်၍ ငြိမ်းချမ်းရေးတရားကို ဟောကြားတော်မူလေသည်။

၁။ ၀က်ဝံနှင့် ရုက္ခစိုးနတ်တို့ ရန်ငြိုးဖွဲ့မှား၍ နှစ်ဦးစလုံးပျက်စီးကြပုံ `ဖန္ဒနဇာတ်´၊

၂။ မြေပြိုပါပြီဟု ထင်ကြေးဖြင့် ဟစ်အော်ထွက်ပြေးသော ယုန်တစ်ကောင်၏စကားကို ယုံမှား၍ တိရစ္ဆာန်များ အပြေးမှားပြီး ဆင်းရဲဒုက္ခ ရောက်ကြရပုံ `ဒုဒ္ဒုဘဇာတ်´၊ (ပထဝီဥန္ဒြိယဇာတ်)၊

၃။ အားသေးသော နှံစုတ်ငှက်မက အားကြီးသော ဆင်ပြောင်ကြီးကို အနိုင်ယူဖူး၍ ရန်သူကို အထင်မသေးသင့်ပုံ `လဋုကိလဇာတ်´၊

၎။ ညီညွတ်စဉ်ခါက ရန်သူ၏လက်မှလွတ်မြောက်သော်လည်း စိတ်ဝမ်းကွဲ၍ အချင်းချင်း မညီမညွတ်ဖြစ်လာသောအခါ ငုံးငှက်များ မုဆိုး၏ပိုက်ကွန်၌ အမိခံရပုံ `သမ္မောဒမာနဇာတ်´၊

၅။ သက်မဲ့ဖြစ်သော သစ်ပင်များပင် တစ်စုတစ်ဝေးတည်းတည်နေ၍ လေဘေးအန္တရာယ်မှ ကင်းဝေးနိုင်ပုံ `ရုက္ခဓမ္မဇာတ်´၊

၆။ မိမိကိုယ်ကို ထိန်းသိမ်းဆုံးမရန် `အတ္တဒဏ္ဍ´သုတ်ကို ထုတ်ဆောင်ဟောပြ ဆုံးမတော်မူပါသည်။

အထက်ပါ သာဓက ၆ မျိုးကို နာကြားရသောအခါ နှစ်ဖက်တိုင်းပြည်မှ လယ်သမားများနှင့် မင်းညီမင်းသား စစ်သည်တော်များသည် ဒေါသမီးငြိမ်းစဲကာ လက်နက်များကိုစွန့်ပယ်၍ မေတ္တာဓာတ်များ သက်ဝင်လာကြကုန်၏။ တစ်ဖက်လျှင် ၂၅၀ စီ နှစ်ပြည်ထောင်မှ မင်းသားငါးရာတို့ သာသနာ့ဘောင်သို့ဝင်၍ ရဟန်းပြုကြကုန်၏။

ထိုရဟန်းတော်များသည် ဇနီးမယားကို အောက်မေ့တမ်းတ သတိရပြီး သာသနာ့ဘောင်၌ မပျော်မွေ့နိုင်ဘဲ ရှိကြရာ မြတ်စွာဘုရားက ဟိမဝန္တာတောအတွင်း ကုဏာလရေအိုင်သို့ တန်ခိုးတော်ဖြင့် ခေါ်ဆောင်၍ ကုဏာလ ငှက်မင်း၏ ဇာတ်ကြောင်းကို ဟောပြောတော်မူပါသည်။ တရားအဆုံး၌ ရဟန်းငါးရာလုံး သောတာပန် ဖြစ်တော်မူကြပါသည်။

မြတ်စွာဘုရားသည် ကုဏာလရေအိုင်မှ ကပိလဝတ်ပြည်အနီး မဟာဝုန်တောကြီးသို့ ပြန်လည်ကြွတော်မူရာ အပြန်ခရီးတွင် သောတာပန်ရဟန်းငါးရာလုံး မိမိတို့၏တန်ခိုးတော်ဖြင့် လိုက်ပါလာကြကုန်၏။ ထိုမဟာဝုန်တောကြီး၌ တရားတော်ကို ဆက်လက်အားထုတ်ရာ ရဟန်းတော်အားလုံး ရဟန္တာချည်း ဖြစ်တော်မူကြပါသည်။

ရဟန်းငါးရာတိုးသည် မိမိတို့ရရှိပြီးသော တရားထူးကို လျှောက်ထားရန် မြတ်စွာဘုရားကို ဖူးမြော်ရန် နယုန်လပြည့်နေ့ ညချမ်းအချိန်တွင် မြတ်စွာဘုရားအထံသို့ စုရုံးရောက်ရှိလာကြကုန်၏။ ဤကဲ့သို့ ထူးခြားသော သံဃာ့အစည်းအဝေးကြီးကို တွေ့မြင်ကြည်ညိုလိုကြကုန်သော နတ်ဗြဟ္မာ အသုရာနှင့် ဂဠုန် နဂါးတို့သည် မဟာဝှန်တောကြီးသို့ အုပ်စုလိုက် စုရုံးရောက်ရှိလာကြကုန်၏။

ဘုရားရှင်လက်ထက်တော်အခါက နယုန်လပြည့်နေ့တွင် ဤကဲ့သို့ နတ်ဗြဟ္မာများ စုရုံးစည်းဝေးမိသောအချိန်ကို မဟာသမယဟုခေါ်ဆိုပါသည်။ ထိုနတ်သဘင်အစည်းအဝေး၌ အမည်နာမအမျိုးမျိုးကို ထုတ်ဖော်မြွက်ကြား နှုတ်ခွန်းဆက်သောအားဖြင့် မိန့်ကြားသောစကားတော်များကို မဟာသမယသုတ်ဟု ခေါ်ဆိုရပါသည် ။

ကစ္စာန ဂေါတ္တသုတ္တန် မြန်မာပြန်

ကစ္စာန ဂေါတ္တ သုတ်

သာဝတ္ထိမှာ နေတယ် ။
အဲဒီမှာ အရှင်ကစ္စာနဂေါတ္တ က
ဘုရားဆီ ချဉ်းကပ်တယ် ။
ချဉ်းကပ်ပြီး ဘုရားရှိခိုးကာ
ထောင့်တစ်ထောင့်မှာ ထိုင်တယ် ။
ထောင့်တစ်ထောင့်မှာ ထိုင်ပြီးတော့
အရှင်ကစ္စာဂေါတ္တ ဟာ
ဘုရားကိုဒီလိုပြောတယ် ။

“ အမြင်မှန်
အမြင်မှန် နဲ့ ပြောကြတယ် ဘုရာ့ ။
ဘယ်လိုလုပ်ပြီး
အမြင်မှန် ဖြစ်ပါသလဲ ။ ” တဲ့

“ လောကဟာ ကစ္စာန
ရှိခြင်းအယူနဲ့ မရှိခြင်းအယူ နှစ်ခုကို
ယေဘုယျအားဖြင့်မှီတယ် ။
လောက အစ ကို ဖြစ်နေတဲ့ အတိုင်း
ပညာမှန်နဲ့ မြင်တဲ့သူအဖို့တော့
လောကမှာ မရှိခြင်းအယူ မဖြစ်ဘူး ။
လောက အဆုံး ကို ကစ္စာန ၊ ဖြစ်နေတဲ့အတိုင်း
ပညာမှန်နဲ့ မြင်တဲ့သူအဖို့တော့
လောက မှာ ရှိခြင်းအယူ မဖြစ်ဘူး ။ ”

“ ဒီလောက ဟာ ကစ္စာန ၊ ယေဘုယျကတော့
ကပ်ရောက်မှု၊ စွဲလမ်းမှု ၊ နစ်မြုပ် စူးဝင်မှု နဲ့
နှောင်ဖွဲ့ထားတယ် ။
သူ ( အမြင်မှန်ရှိသူ ) ကတော့
ဒီစိတ်ရဲ့ တည်ရာ၊ နစ်မြုပ်စူးဝင်ရာ၊ကိန်းအောင်းရာ ဖြစ်တဲ့
အဲဒီ ကပ်ရောက်မှု၊ စွဲလမ်းမှု ၊ “ ငါ အတ္တ ” လို့ မကပ်ရောက်ဘူး ။
မစွဲလမ်းဘူး ၊ မဆောက်တည်ဘူး၊။
“ ဖြစ်ပေါ်တာ ဆင်းရဲ ဖြစ်ပေါ်တာပဲ ။ ”
“ ချုပ်တာ ဆင်းရဲ ချုပ်တာပဲ ” ဆိုတာ
မယုံမှားဘူး။ ဒွိဟ မဖြစ်ဘူး ။
ဒီမှာ
သူသိတာ သူများကြောင့် မဟုတ်ဘူး ။
ဒီလိုနဲ့ ကစ္စာန အမြင်မှန်ပေါ်တယ် ။ ”

“ အားလုံးရှိတယ် ၊ လို့ ဆိုတာ ကစ္စာန ၊
ဒါလည်း အစွန်းတစ်ခုပဲ ။
အားလုံးမရှိဘူး လို့ ဆိုတာ
ဒါလည်း ကစ္စာန ဒုတိယ အစွန်းပဲ ။
ဒီအစွန်း နှစ်ခု စလုံးကို
မချဉ်းကပ်ဘဲ အလယ်နည်း နဲ့
တထာဂတ က တရားကိုဟောတယ် ။
မသိမှု အကြောင်းကြောင့်
အပြုအမှုတွေ ဖြစ်ပေါ်တယ် ။
အပြုအမူတွေ ကြောင့် အသိဖြစ်ပေါ်တယ် ။
ဒီလိုနဲ့
ဒီဆင်းရဲ အစုကြီး ရဲ့ အစ ဖြစ်ပေါ်တယ်။

မသိမှု အကြွင်းမဲ့ တပ်မက်ကင်း ချုပ်တာ
အပြုအမူ ချုပ်တာပဲ ။
အပြုအမူ ချုပ်တာ အသိစိတ် ချုပ်တာပဲ
အသိစိတ် ချုပ်တာကနေ . . . .
ဒီလိုနဲ့ ဆင်းရဲအစုကြီး တစ်ခုလုံး ရဲ့
အဆုံးဖြစ်ပေါ်တယ် ။ ” တဲ့

သံယုတ္တနိကာယ ၊ နိဒါန ၀ဂ္ဂ၊ ၂ ၊ ၅ကစ္စာနဂေါတ္တ သုတ္တ ။
မှတ်ချက် ။ ။ ဒီမှာ ရှိခြင်းအယူ ၊ မရှိခြင်းအယူ ဆိုတာ သဿတ နဲ့ ဥစ္ဆေဒအယူ တို့ပါ ။

မောင်သာနိုး ဘာသာပြန်ပါတယ် ။

နှစ်ဟောင်းကို နူတ်ဆက်ရင်း ပါရမီဖြည့်မယ်

“နှစ်ဟောင်းကို နှုတ်ဆက်ရင်း ပါရမီဖြည့်မယ်”
••••••••••••••••••••••••••••••••••••••••••••••••
တိမ်တိုက်ပမာ၊သံသရာ၊တွေ့လာခဏ။
လေကြောင့်ကွဲကာ၊ပျက်ရရှာ၊လျင်စွာပျောက်သွားကြ။
-【တိပိဋကဓရ ယောဆရာတော်】
ဘဝဆိုတာ ကောင်းကင်က တိမ်တိုက်ကလေးတွေလိုပါပဲ။
ခဏတွေ့ပြီး၊ခဏအကြာမှာပဲ ပျောက်ကွယ်သွားကြတာပါ။

လူ့ဘဝသက်တမ်းကို ယေဘုယျပြောရရင်
(၇၅)နှစ်ပါပဲ။(၇၅)နှစ်အတွင်းမှာပဲ
ပျောက်ကွယ်သွားကြရတာပါ။
ကံကောင်းလည်း နှစ်ကာလတစ်ခုအလွန်ပါပဲ။

●ပျောက်ကွယ်သွားတဲ့သူတွေက ပျောက်ကွယ်ကုန်ပါပြီ။
●မပျောက်ကွယ်သေးတဲ့သူတွေကိုလည်း
ပျောက်ကွယ်ဖို့ အချိန်တစ်ခုက ကြိုနေပါပြီ။

ဟော…ခု မကြာခင်မှာ နှစ်ဟောင်းကိုနှုတ်ဆက်ပြီး၊
နှစ်သစ်ကို ကြိုဆိုရတော့မှာပါ။
ဘယ်လိုပုံစံနဲ့ နှစ်ဟောင်းကို နှုတ်ဆက်မလဲ။ ။

❦အကုသိုလ်တွေကို နုတ်ပြီး ကုသိုလ်တွေနဲ့ ဆက်ရမှာပါ။
❦အမုန်းတွေကို နုတ်ပြီးမေတ္တာတွေနဲ့ ဆက်ရမှာပါ။
❦မရိုးသားမှုတွေကို နုတ်ပြီး ရိုးသားမှုတွေနဲ့ဆက်ရမှာပါ။
❦မမှန်တရားတွေကို နုတ်ပြီး အမှန်တရားတွေနဲ့ဆက်ရမှာပါ။
Young Buddhist's Association

သင်္ကြန်မှတ်စု - ၂

သင်္ကြန်ပုံပြင်

တခါက သိကြားမင်းနှင့် ဗြဟ္မာမင်းတို့ ၂-ယောက် စကားလက်ဆုံ ပြောကြရာ ‘ကဿပဘုရားရှင်လက်ထက် မတိုင်ခင်က လူ့ပြည်၌ တစ်ပတ်လျှင် ၈-ရက် ရှိခဲ့ပြီး ယခုအခါ ၇-ရက်သို့ ပြောင်းသွားပြီဖြစ်ကြောင်း’ သိကြားမင်းက ပြောလေရာ ဗြဟ္မာမင်းက မဖြစ်နိုင်ဘူးဆိုကာ ငြင်းခုံကြပါသတဲ့။

ထို့နောက် ရှူံးတဲ့သူ ခေါင်းဖြတ်ခံကြေးဟု သတ်မှတ်ကာ လူ့ပြည်သို့ ဆင်းပြီး ထိုအချိန်က သီလ၊ သမာဓိနှင့် ပြည့်စုံသည့် ရသေ့ထံတွင် အဆုံးအဖြတ် ခံယူကြပါသတဲ့။ အဘိဉာဏ်ရ ရသေ့က ယခုအခါတွင် လူ့ပြည်တွင် တနင်္ဂနွေအစ စနေအဆုံး ၇-ရက်သာ ရှိတော့သည်ဟု အဆုံးအဖြတ်ပေးခဲ့လေသတဲ့။ ဗြဟ္မာမင်းလည်း သူ့ကတိအတိုင်း သူ၏ဦးခေါင်းကို အဓိဋ္ဌာန်ဖြင့် ဖြတ်ပြီး သိကြားမင်းလက်သို့ ပေးအပ်လိုက်ပါတယ်။
         ထိုဗြဟ္မာဦးခေါင်းပြတ်ကြီးသိကြားမင်းလက်ထဲသို့ ရောက်သည့်အခါ ဒီဗြဟ္မာဦးခေါင်းပြတ်ကြီးကို မြေပေါ်ချထားလျှင် ၇-နှစ် ကမ္ဘ္ဘာမီးလောင်ပြီး မိုးခေါင်လိမ့်မည်၊ ရေတွင် ထားပါကလည်း သမုဒ္ဒရာ ၇-စင်းမှ ရေများ ခန်းခြောက်သွားလိမ့်မည်လို့ သိကြားမင်းက စဉ်းစားမိသတဲ့။ ဒါနဲ့ မြေမှာလည်း မထား၊ ရေသို့လည်း မပို့တော့ဘဲ နတ်သမီး ၇-ယောက်ကို တစ်ဦးလျှင် တစ်နှစ်စီ ဗြဟ္မာဦးခေါင်းကို ကိုင်ထားရန် တာဝန်ပေးလိုက်သတဲ့။

ထိုနတ်သမီးတွေရဲ့ တစ်ဦးမှ တစ်ဦးသို့ ဗြဟ္မာဦးခေါင်းကိုင်ရန် အလွှဲအပြောင်းကို သင်္ကန္တလို့ ခေါ်ပြီး ထိုမှ ရွေ့လျော ဆင်းသက်ကာ သင်္ကြန်ဆိုတာ ဖြစ်လာပါသတဲ့။ ဒါကတော့ သင်္ကြန်နဲ့ပတ်သက်လို့ ပြောတတ်တဲ့ ပုံပြင်ပါ။

မြန်မာပြည်မှာ တစ်နှစ်တစ်ခါ ထုတ်ဝေတဲ့ သင်္ကြန်စာများမှာလည်း ဗြဟ္မာမင်းကြီးရဲ့ ဦးခေါင်းကို လွှဲပြောင်းပေးနေပုံကို ဖော်ပြလေ့ရှိတာ သတိပြုမိပါတယ်။

ဘာပဲပြောပြော သင်္ကြန်ဆိုတာ ပြောင်းရွှေ့ခြင်း အဓိပ္ပာယ်လို့သာ လွယ်လွယ် မှတ်လိုက်ကြပါစို့။

မြန်မာသင်္ကြန်ပွဲတော်များ အစ ပုဂံခေတ်က
ရှေးမှတ်တမ်းများအရ ရေကစားပွဲတော်ကို ပထမဆုံး စတင်ခဲ့သည့် ဘုရင်မှာ ပုဂံခေတ်၊ နရသီဟပတေ့မင်းလက်ထက်တွင်ဟု သိရပါတယ်။ ထိုမင်းသည် ရေကစားပွဲတော်တွင် သူ၏မိဖုရား စောလုံကို စ,နောက်မိခဲ့ဖြင့် စောလုံမှ ထမင်းပွဲတွင် အဆိပ်ထည့်ကာ လုပ်ကြံသည်အထိ ဖြစ်ခဲ့ပါတယ်။ ဘုရင်က အချိန်မီ သိရှိသဖြင့် အသက်မသေခဲ့ဘဲ မိဖုရားစောလုံကို မီးကျီးခဲရဲရဲတွင် မီးကင်သတ်စေခဲ့ပါတယ်။ သင်္ကြန်အစ ကြေကွဲစရာ မှတ်တမ်းလေးတစ်ခုဟုသာ ဆိုပါရစေ။

ရှောင်ကြဉ်ဖွယ်ရာ အဖြာဖြာ
___________________
ရှေးပညာရှိကြီးတွေဟာ အတာနှစ်ဦးမှာ ရှောင်ကြဉ်ရမယ့် ဓလေ့တချို့ သတ်မှတ်ထားတာ မှတ်သား သတိပြု ဆင်ခြင်ဖွယ် တွေ့ရပါတယ်။

အဲဒါတွေက သင်္ကြန်အခါမှာ -

(၁) ငိုကြွေးခြင်း၊ ပူဆွေးခြင်း။

(၂) လိင်ဆက်ဆံခြင်း။

(၃) သူတပါးအသက် သတ်ဖြတ်ခြင်း။

(၄) အရက် မူးယစ်ဆေးဝါး သုံးစွဲခြင်း။

(၅) စိတ်ဆိုးခြင်း၊ ခိုက်ရန်ဖြစ်ခြင်း။

(၆) သွေးဖောက် သွေးထုတ်ခြင်း။

(၇) ဆီလိမ်း ဆေးလိမ်းခြင်း။

(၈) သစ်ပင်ခုတ်ဖြတ်ခြင်း၊ ထင်းခုတ်ခြင်း။

(၉) ကုန်ပစ္စည်း ဝယ်ယူသိုလှောင်ခြင်း။

(၁၀) ကုန်ပစ္စည်း ရောင်းချခြင်း၊ ဆိုင်ထွက်ခြင်း မပြုကြရဘူး ဆိုတာပါပဲ။

[ သူ့ခေတ် သူ့အခါ သူ့ဓလေ့ထုံးစံ သူ့အကြောင်းအကျိုးနဲ့သူ ရှိပါလိမ့်မယ်။ ]

{ { သင်္ကြန်တွင်းသာ မဟုတ်ဘဲ ဘယ်အချိန်အခါမဆို မကောင်းသော အပြုအမူ၊ အပြောအဆို၊ အကြံအစည်တွေကို ရှောင်ကြဉ်ရပါတယ်။ }}

[{သင်္ကြန်ချိန်ခါ ပြုဖွယ်ရာများ }]

“မဟာသင်္ကြန်”နှင့် တွဲဖက်၍ “အတာ”၊ “အတာစား” ဟူသော ဝေါဟာရတို့ကို ပြောဆို သုံးစွဲကြတာကို တွေ့ရပါတယ်။

“အတာ”ဟူသည် လောကီအလို ‘ဒဏ်သင့်ခြင်း’ ဖြစ်သည်။ တနည်းအားဖြင့် ‘အန္တ-အဆုံး’ဟူသော ပါဠိပုဒ်မှ ‘အတာ’ဖြစ်လာသည်ဟုလည်း ကြံဆကြပါတယ်။

ယင်းအလိုအားဖြင့် “အတာ”ဟူသည် ‘နောက်ဆုံးကာလ၊ အကျပိုင်းကာလ’ကို ဆိုလိုပါတယ်။

အတာရက်ကို ဤသို့ဆို

“အတာရက်”မှာ သင်္ကြန်အတက်ရက် ဖြစ်၏။ နှစ်တစ်နှစ်၏ နောက်ဆုံးရက်ပင် ဖြစ်တယ်။ သင်္ကြန်အတက်ရက်နှင့် မွေးနေ့တိုက်ဆိုင်သူများသည် “အတာသင့်”သူများ ဖြစ်လာပါတယ်။ ဒါကိုပင် အတာစားသည်ဟု ပြောဆို သုံးစွဲနေကြပါသေးတယ်။

အတာစားသည့် နေ့နံသားသမီးတို့သည် အတာတက်မည့်အချိန် အတိအကျတွင် “အတာစား”ရပါတယ်။ အတာစားဟူသည် အတာတက်ချိန်မှာ ကောင်းမွန် သန့်ရှင်းစွာ ဝတ်စား ဆင်ယင်လျက် အရှေ့တောင်အရပ်သို့ မျက်နှာမူကာ ပူဇော်ရိုသေထိုက်သူများကို လှူဖွယ်ပစ္စည်းတို့ဖြင့် ဆက်ကပ်ခြင်း လှူဒါန်းပူဇော်ခြင်း ပြုကြရတယ်လို့ ဖော်ပြထားတာတွေ တွေ့ရပါတယ်။

အတာစားခြင်းအကျိုး အမျိုးမျိုး
_____________________
အတာစားခြင်း၏ အကျိုးကား ... အတာပုည၊ ကုသလကို၊ ပြုကြကုန်သော၊ အမျိုးသား အမျိုးသမီးတို့သည် “အတာကမ္မံ ကရောန္တဿ မဟာဘောဂံ မဟာသုခံ မဟပ္ဖလံ စတုဒ္ဒိသံ ဝေရီဇေယျသုမင်္ဂလံ”ဟု ရှေးပညာရှိတို့ ရေးဖွဲ့ခဲ့သည်နှင့်အညီ ထိုကဲ့သို့ ရတနာသုံးပါး စသည်တို့အား လှူဒါန်း ပူဇော်ကြသော သူတို့သည် ကောင်းကျိုးချမ်းသာ မင်္ဂလာတရား ပြန့်ပွားတိုးတက် ပြည့်စုံကုန်ရာသည် ... ဟု မှတ်သားရဖူးပါတယ်။

အတာအိုး အတာပန်း
_______________
အတာအိုးကို သင်္ကြန်ကို စောင့်ကြိုသည့်အနေဖြင့် သင်္ကြန်မကျခင် ကြိုတင် ပြင်ဆင်ရသည်။ (၇)ရက်သားသမီးတို့အတွက် ရည်ရွယ်၍ ပန်း ၇-မျိုးဖြစ်စေ၊ အညွန့် ၇-မျိုးဖြစ်စေ ရေပြည့်အိုးမှာ ထိုးလေ့ ထည့်ကြလေ့ရှိပါတယ်။

စာရေးသူတို့ အညာနယ်မှာတော့ သင်္ကြန်ကျသည်နှင့်တပြိုင်နက် အတာအိုးမှ ရေကို သွန်၍ သင်္ကြန်ပန်း၊ သင်္ကြန်အညွန့်တို့ကို အိမ်ဦး ဝင်းထရံ စသည်တို့၌ ထိုးစိုက်ကာ နှစ်သစ်မှာ ဘေးရန်ကင်းကွာ ကိုယ်စိတ်နှစ်ဖြာ ကျန်းမာချမ်းသာဖို့ ဆုတောင်းဆုယူ ပြုကြလေ့ရှိပါတယ်။

ဦးခေါင်းဆေးမင်္ဂလာ ပြုလုပ်ကြ
______________________

သင်္ကြန်ရောက်ပြီဆိုပါလျှင် အစဉ်အလာအားဖြင့် ဦးခေါင်းဆေးမင်္ဂလာကိုလည်း ပြုလုပ်လေ့ရှိကြပါတယ်။

သင်္ကြန်ဟူသည် ဗသျှူသင်္ကြန်၊ အာရာမသင်္ကြန်၊ သမန္တသင်္ကြန်ဟု ၃-မျိုး ရှိပါတယ်။ (သင်္ကြန်အမျိုးအစား ၁၂-မျိုးဟုလည်း သုတေသနသရုပ်ပြအဘိဓာန်မှာ တွေ့ရ၏။) ဗသျှူသင်္ကြန်ဖြစ်က သင်္ကြန်မဝင်မီ ဦးခေါင်းဆေးကြရသည်။ အာရာမသင်္ကြန်ဖြစ်က သင်္ကြန်ဝင်ဆဲမှာ ဦးခေါင်းဆေးကြရသည်။ သမန္တသင်္ကြန်ဖြစ်က သင်္ကြန်ကျပြီး ၂၄-မိနစ်မှာ ဦးခေါင်းဆေးကြရသည်။ (တစ်နာရီလွန်မှ ဦးခေါင်းဆေးကြရသည်ဟုလည်း ပညာရှင်တို့ ဆိုကြပါ၏။)

ရှေးမြန်မာတို့သည် မိမိတို့၏ ကိုယ်အင်္ဂါတွင် အမြင့်မြတ်ဆုံးဖြစ်သော ဦးခေါင်းတွင် နှစ်ဟောင်းက ကပ်ငြိစွကျန်နေသော အညစ်အကြေးများ နှစ်သစ်သို့ ဆက်လက် မပါရှိစေရန် ရည်ရွယ်ချက်ဖြင့် ဦးခေါင်းဆေးမင်္ဂလာ ပြုခဲ့ကြပြီး အတိတ်ကောင်းယူကာ ကိုယ်စိတ်သန့်ရှင်းမှုကို အကျိုးပြုရာရောက်သည်ဟု ယူဆခဲ့ကြပါတယ်။

ဦးခေါင်းဆေးမင်္ဂလာပြုလုပ်သောကြောင့် အကျိုးရပုံကို သင်္ကြန်စာများတွင် အောက်ပါအတိုင်း ဖော်ပြထားတာကို ဖတ်ရှု မှတ်သားရဖူးပါတယ်။

“ဦးခေါင်းဆေးရသောအကျိုးကား - သင်္ကန္တေ၊ သင်္ကြန်ဟု ခေါ်ဆိုအပ်သော တနင်္ဂနွေဂြိုဟ်မင်းသည်။ ပုဏ္ဏမေ၊ အံသာ(၃၆၀)ရသဖြင့် တဘဝဝဏပြည့်၍ မိန်ရာသီ အဝသာန် နဝင်းမှ မိဿရာသီ အာဒိနဝင်းသို့ ပြောင်းခဲ့သည်ရှိသော်။ ဣဓ၊ ဤလူ့ပြည်၌။ မာဏဝါ၊ သတ္တဝါဟုခေါ်ဝေါ်အပ်ကုန်သော။ မနုဇာ၊ လူအပေါင်းတို့သည်။ သိရာ၊ ဦးခေါင်းဆေးကုန်ရာ၏။

တေသံ၊ ထိုဦးခေါင်းဆေးကုန်သော သူတို့အား။ သတ္တဘာဂီ၊ ခုနစ်နှစ်ကဖြစ်ကုန်သော။ ရောဂီ၊ အနာ
အနာမျိုးတို့သည်။ ဝိနာသေယျုံ၊ ကင်းပျောက်ကုန်ရာ၏။ သုခဘာဂီ၊ ချမ်းသာဖြင်း၏အဖို့ဖြစ်ကုန်သော။ သတသဟဿာနိ၊ တစ်သိန်းသော အကျိုးတို့သည်။ ဘဝေယျုံ၊ ဖြစ်ကုန်ရာ၏။”

အထက်ဖော်ပြပါအတိုင်း နှစ်သစ်မှာ ကောင်းကျိုးကျက်သရေ မင်္ဂလာအပေါင်းနဲ့ ပြည့်စုံရအောင် သင်္ကြန်ကာလများမှာ ဦးခေါင်းဆေးမင်္ဂလာများ ပြုလုပ်ရခြင်း ဖြစ်တယ်လို့ နားလည်ရပါတယ်။

နိဂုံးချုပ်အားဖြင့်မူ သင်္ကြန်ဆိုတာ ပြောင်းလဲခြင်းလို့ နားလည်ခဲ့ရပါပြီ။ ဒီပြောင်းလဲခြင်းဟာ ဘယ်တော့များမှ အဆုံးသတ်ပါလိမ့်ဟုလည်း တွေးကြည့်မိပါတယ်။ ပုထုဇဉ်ဘဝနဲ့ သံသရာတခွင် ကျင်လည်ရအုန်းမယ်ဆိုရင် နိမ့်တုံတခါ မြင့်တုံတလှည့် ပြောင်းလှည့်နေအုန်းမှာဖြစ်တော့ တော်ရုံနဲ့ အဆုံးမသတ်နိုင်ဘူးလို့ တွေးမိပါတယ်။

လောကကြီးထဲမှာ လူဖြစ်လာပြီး ရေကြည်ရာ မြက်နုရာ ရှာဖွေ လှည့်လည်နေကြသူတွေဟာ တနေရာကနေ တနေရာဆီ ပြောင်းရွှေ့ပြီဆိုရင် ကိုယ်နဲ့ဆိုင်သည့် ပစ္စည်းများကို သိမ်းဆည်း သယ်ဆောင်သွားတတ်ကြပါတယ်။ အဲဒီလိုအခါမျိုးမှာလည်း ကောင်းနိုးရာရာ တန်ဖိုးရှိသည့် မိမိနဲ့ အသုံးတည့်သော အရာများကို သိမ်းဆည်းလေ့ရှိကြပါတယ်။ တန်ဖိုးမဲ့တဲ့အရာတွေကို စွန့်ထားခဲ့ပြီး တန်ဖိုးကြီးပစ္စည်းများကိုသာ မိမိနဲ့တပါတည်း သယ်ဆောင်သွားတတ်ကြတာကို သတိပြုမိပါတယ်။

ဒီလိုပါပဲ ... မိမိတို့ဟာ မမြဲသော သင်္ခါရလောကနယ်မှာ လူဖြစ်လာကြသူတွေမို့ တနေရာတည်းမှာ ထာဝရဆိုတာတော့ မဖြစ်နိုင်ဘူးပေါ့။ နိမ့်ရာကနေ မြင့်ရာဆီ၊ ဆိုးရာကနေ ကောင်းရာဆီ၊ ကျရှူံးမှုမှသည် အောင်မြင်မှုဆီ၊ ဒေသတစ်ခုကနေ ဒေသတစ်ခုဆီ စသည် စသည်ဖြင့် ပြောင်းရွှေ့ရမှာတော့ သေချာပါတယ်။ နောက်ဆုံးတော့ ဒီဘဝ ဒီခန္ဓာကို စွန့်ခွာလို့ တမလွန်ဆိုတဲ့ နောင်ဘဝဆီ ပြောင်းရွှေ့ရအုန်းမယ်။

သတ္တဝါတွေမှာ ကံသာလျှင် ကိုယ်ပိုင်ဥစ္စာရှိပေရာ ဒီလို ပြောင်းရွှေ့တဲ့အခါမှာ တန်ဖိုးနည်းပြီး အပါယ်ကို ဆွဲချနိုင်တဲ့ အကုသိုလ်ကံ ဥစ္စာတွေကိုပဲ သိမ်းဆည်း သယ်ဆောင်သွားကြမည့်အစား တန်ဖိုးကြီးမြင့်ပြီး မြင့်မြတ်သော အထက်တန်းကျ မျက်နှာပန်းလှတဲ့ ဘုံဘဝတွေကို ရောက်စေနိုင်သည့် ကုသိုလ်ကံတည်းဟူသော ဥစ္စာတွေကို သယ်ဆောင်သွားနိုင်ရင် အကောင်းဆုံးမဟုတ်ပါလား။

ဒါကြောင့် တစ်နှစ်မှသည် တစ်နှစ်ဆီသို့ ရွှေ့ပြောင်းသော ဒီသင်္ကြန်အခါ သင်္ကြန်အကြောင်း လေ့လာဆည်းပူးရင်း နှစ်သစ်ကြိမ်ရာ မင်္ဂလာရှိသော သင်္ကြန်အခါကာလမှာ ကောင်းမြတ်လှသော ဒါန၊ သီလ၊ ဘာဝနာ မြတ်ကောင်းမှုတွေကို ကြိုးစားပြုလို့ နှစ်ဟောင်းက အကုသိုလ်အညစ်ကြေး အပြစ်ဘေးထိုက်သည့် ဒုစရိုက်တွေကို နှစ်ခဲ့ ပစ်ခဲ့ကြပါစို့လား၊ နှစ်သစ်မှာ ကုသိုလ် သုစရိုက်တရားတွေနဲ့ ဘဝကို သစ်လွင်တောက်ပြောင်လာအောင် ရွက်ဆောင်ကြပါစို့လားလို့ တိုက်တွန်းလိုက်ရပါတယ်။

မေတ္တာသီသေန စိတ္တေန။

အရှင်နန္ဒဝံသ

ဇေယျသုခဓမ္မရိပ်သာ

Amarillo, Texas

3-April-2012

+++++

(စာရေးသူရဲ့မှတ်စုများ၊ သင်္ကြန်စာ၊ အင်တာနက်ဘလော့ဂ်ပို့စ်များမှ ကောက်နုတ် ကိုးကားပါတယ်။ အင်တာနက်ဘလော့ဂ်ပို့စ် မူရင်းပိုင်ရှင်များကို မှတ်ယူမထားမိတာ ခွင့်လွှတ်စေလိုပါတယ်။)

သင်္ကြန် မှတ်စု - ၁

သင်္ကြန်အကြောင်း တစေ့တစောင်း - 

အရှင်နန္ဒဝံသ (ဇေယျသုခဓမ္မရိပ်သာ)

သင်္ကြန် ... သြော် သင်္ကြန် ... နှစ်အကူး ရွှင်မြူးလေတဲ့ သင်္ကြန် .. တဲ့။ သီချင်းတွေလဲ ကြားဖူးရဲ့ ... သင်္ကြန်မှာ ပျော်ရွှင်နေကြသူတွေကိုလဲ တွေ့ဖူးခဲ့ပေမယ့် ‘သင်္ကြန်’ရဲ့ အဓိပ္ပာယ်ကို စေ့စေ့ငုငု ထဲထဲဝင်ဝင် ကျကျနန နားမလည်ခဲ့တာ အမှန်ပါ။ ငယ်ရွယ်သူတွေက သိလိုရေးနဲ့ မေးလာတဲ့အခါ သူတို့ သဘောကျအောင် ဖြေစရာ သိပ်မရှိခဲ့ဘူး။ ဒါနဲ့ စာပေတွေထဲ သင်္ကြန်အကြောင်း တစေ့တစောင်းဆိုသလို ဖွေရှာ လေ့လာကြည့်မိပါတယ်။
သင်္ကြန်ပွဲတော်ဟူသည် မြန်မာပြည်အပါအဝင် အရှေ့တောင်အာရှနိုင်ငံတွေမှာ နှစ်သစ်ကို ကြိုဆိုတဲ့အနေနဲ့ ကျင်းပကြတဲ့ ပွဲတော်တစ်ခု ဖြစ်သည်။ “ကူးပြောင်းခြင်း”, “ပြောင်းရွှေ့ခြင်း”ဟု အဓိပ္ပာယ်ရသော ပါဠိဘာသာ “သင်္ကန္တ”၊ သက္ကတဘာသာ “သင်္ကြန္တ”တို့ကို တိုက်ရိုက် မြန်မာမှုပြု၍ ခေါ်ဆိုကြခြင်း ဖြစ်သည်။
ဒီ ပါဠိဘာသာ “သင်္ကန္တ”၊ သက္ကတဘာသာ “သင်္ကြန္တ”ကနေ ဆင်းသက်လာတဲ့ ဝေါဟာရဟာ သက်ဆိုင်ရာ ဒေသနေ ပြည်သူတွေရဲ့ ဘာသာစကား ယဉ်ကျေးမှု ဝန်းကျင်အခြေအနေတွေပေါ် မူတည်ပြီး ကွဲပြား ခြားနားမှု ရှိတာကိုလည်း တွေ့ရပါတယ်။ မြန်မာတို့ရဲ့ “သင်္ကြန်”၊ ထိုင်းတို့ရဲ့ “ဆွန်ကရန်” (Song Kran)၊ ကမ္ဘောဒီးယားတို့ရဲ့ “ချိုချနန်သမေး” (Chol Chnam Thmey)၊ လာအိုတို့ရဲ့ “ဘီးမိုင်” (Bpee Mai)နဲ့ တရုတ်နိုင်ငံ ယူနန်ပြည်နယ် ဒိုင်လူမျိုးတို့ရဲ့ “ရေသဘင်ပွဲ”ဆိုတဲ့ “နှစ်သစ်ကူးပွဲတော်”တို့ဟာ တစ်ခုတည်းသော ရင်းမြစ်က ဆင်းသက်လာတဲ့ ပွဲတော်များ ဖြစ်ပါတယ်။

ဗျာသန တရားဖြင့် နိဗ္ဗာန်ထိအောင် စွမ်းဆောင်ခြင်း

အရှင်နန္ဒမာလာဘိဝံသ၏ ဗျာသနတရားဖြင့် နိဗ္ဗာန်ထိအောင် စွမ်းဆောင်ခြင်း။
============
သူတော်စင်တွေ ဆုတောင်းတိုင်း ၀ိပတ္တိတရား လေးပါး။ ဗျာသနတရား ငါးပါး။ ဆိုတာကြပါ
တယ်။ အဲဒီ ဗျာသနတရား ငါးပါးမှာ==ဥာတိဗျသန=ဆွေမျိုးတွေထဲက ပျက်စီးမှု။ ဘောဂဗျသန=
စည်းစိမ်ဥစ္စာတွေ ပျက်စီးမှု။ ရောဂဗျသန=ရောဂါဝေဒနာ ဖြစ်ခြင်းဖြင့် ပျက်စီးမှု။
သီလဗျသန=အကျင့်သီလ ပျက်စီးမှု။ ဒိဌိဗျသန=အယူဝါဒအမြင်ရဲ့ ပျက်စီးမှုတို့  ဖြစ်ကြတယ်။
အဲဒီပျက်စီးခြင်း ငါးမျိုးထဲက လူတွေအလေးထားနေကြတာ၊ ပျက်စီးမှာ ကြောက်ကြတာ၊ ဥာ
တိဗျသန-ဆွေမျိုးတွေ ပျက်စီးမှာ ကြောက်ကြတယ်။ ဘောဂဗျသန-စည်းစိမ်ဥစ္စာတွေ ပျက်စီးမှာ
ကြောက်ကြတယ်။ ရောဂဗျသန-ရောဂါတွေဖြစ်မှာကြောက်ကြတယ်။ သီလဗျသန-ကိုယ်ကျင့်တရား
ပျက်မှာကို မကြောက်ဘူး။ ဒိဌိဗျသန-အယူဝါဒ အမြင်စောင်းသွားမှာ ပျက်စီးမှာ မကြောက်ကြဘူး။
တကယ် ကြောက်စရာကောင်းတာက သီလဗျသန နဲ့  ဒိဌိဗျသန က ကြောက်စရာ ကောင်း
တယ်။ ကျန်တဲ့ ဗျသန သုံးပါးက ကြောက်စရာ မကောင်းဘူး။ လူတွေ စိုးရိမ်သောက ရောက်နေကြ
တာက=ဆွေမျိုးသားချင်းတွေ ပျက်စီးမှာ စိုးရိမ်တယ်။ ပစ္စည်းဥစ္စာတွေ ပျက်စီးလို့ ငိုတယ်။ ပျက်စီး
မှာ စိုးရိမ်ကြတယ်။ ရောဂါ ဖြစ်လို့  ငိုတယ်။ ရောဂါမဖြစ် စေချင်ဘူး။
သီလပျက်လို့  ငိုတဲ့ပုဂ္ဂိုလ်ဟာ မကြားဘူး လောက်အောင်ကို ရှားတယ်။ အယူဝါဒ ပျက်စီးလို့ 
ငိုတဲ့ပုဂ္ဂိုလ်လဲ မကြားဘူး လောက်အောင်ကို ရှားပါးပါတယ်။ သို့ သော် မြတ်စွာဘုရား ဟောထား
တာက ဥာတိဗျသန၊ ဘောဂဗျသန၊ ရောဂဗျသန၊ ဒါတွေ ပျက်စီးလို့ ကတော့ ငရဲမကျဘူး။ သံသ
ရာဝဋ်ဆင်းရဲမှာ ဒုက္ခမဖြစ်ဘူး။။ သီလဗျသန၊ ဒိဌိဗျသန၊ အဲဒါ နှစ်ပါး ပျက်စီးရင်တော့ သံသရာမှာ
ဒုက္ခ ရောက်ပြီတဲ့။။
အဲဒါတွေကို မပူကြလို့  တန်ဘိုးရှိတဲ့ သီလကို ငွေကြေးနဲ့  လဲလိုက်ကြတာဘဲ။ "အဒိန္နဒါနာ ဝေ
ရမဏိ သိက္ခာပဒံ သမာဒိယာမိ။" သူများပစ္စည်း မယူပါဘူးလို့  ဆောက်တည် ထားပေမဲ့၊ တော်
တော်များများက အခွင့်သာလို့ ရှိရင် သီလ အပျက်ခံပြီးတော့ ယူလိုက်ကြတာပါဘဲ။ ။
အခွင့်အရေး မပေးတဲ့အခါ၊ စားစရာ မရှိတဲ့ အခါမှာ "၀ိကာလ ဘောဇနာ ဝေရာမဏိ သိက္ခာ
ပဒံ သမာဒိယာမိ"၊ တဲ့။ စားစရာနဲ့  ကြုံတဲ့အခါကျတော့ အေး...နောက်မှပဲ သီလဆောက်တည်
တော့မယ် ဆိုပြီး လုပ်ထည့်လိုက်ကြတာ။ အဲဒါမျိုးဟာ အနှစ်ကို အနှစ်မှန်း မသိလို့  ဒီလိုဖြစ်တာ။
လူ့ ဘ၀မှာ လူရယ်လို့  ဖြစ်လာတဲ့အခါ တကယ့် အရေးကြီးတဲ့ အနှစ်ကို ယူတတ်ဖို့ လိုတယ်။ ။
မြတ်စွာဘုရားက==လောကမှာ ရာထူး၊ ဂုဏ်သိမ်၊ စည်းစိမ်ချမ်းသာ၊ ပစ္စည်းဥစ္စာ၊ မခံစား
ဘူး ဆိုတာ မရှိဘူးလို့  "အနမတဂ္ဂသုတ်မှာ" ဟောထားတယ်။ အင်မတန် ကောင်းတဲ့အာရုံတွေ
အင်မတန် နှစ်သက်တဲ့ အရာတွေ၊ ကြုံတွေ့ လို့ ရှိရင် ဘယ်လိုစဉ်းစားရမလဲဆိုရင် ဒီလောက်
ရှည်ကြာတဲ့ သံသရာခရီးမှာ၊ ငါလည်းဒါမျိုးတွေ ကြုံဘူးတယ်လို့  ဒီလိုပဲ အောက်မေ့ပါ။ အဲဒီလို
အောက်မေ့တာနဲ့ တန်းတန်းစွဲ မဖြစ်တော့ဘူးပေါ့။ စိတ်ကိုထိန်းတဲ့ နည်းတစ်နည်းပါ။ ။
ကိုးပါးသီလ ထဲမှာ အထွဋ်တင် ဆောက်တည်ထားတဲ့ "မေတ္တာသဟ ဂတေန စေတသာ
သဗ္ဗပါဏ ဘူတေသု"-သတ္တ၀ါတွေအပေါ်မှာ မေတ္တာထားတယ်။ မုန်းစရာပုဂ္ဂိုလ်တွေ့ ရင် ဟိုအရင်
ဘ၀တုံးက ငါ့အမေ(သို့ မဟုတ်)ငါ့အဖေ၊ ငါ့အကို၊ ညီ၊ အစ်မ၊ ညီမ၊ ဆွေမျိုးတွေပဲလို့  နှလုံးသွင်း
လိုက်မယ်ဆိုရင်၊ အမုန်းတရားတွေ ပျောက်ကွယ်သွားမှာပါ။
ကုသိုလ်ကို နှစ်ပိုင်းခွဲမယ် ဆိုရင် သံသရာထဲမှာ ချမ်းချမ်းသာသာ နေနိုင်စေတာလဲ ကုသိုလ်
ပဲ။ သံသရာထဲမှ လွတ်မြောက်ဖို့ ရာလဲ ကုသိုလ်ပဲ၊။ သံသရာလည်စေတဲ့ ကုသိုလ်က တဏှာရဲ့
အလွမ်းအမိုးကို ခံနေရတဲ့ ကုသိုလ်။ တဏှာ မကင်းသေးတဲ့ ကုသိုလ်။ တကယ်တော့ ကုသိုလ်က
သံသရာထဲကို လည်စေတာ မဟုတ်ဘူး။ အတွယ်အတာက လည်စေတာ။ တဏှာက လည်စေတာ။
အဲဒီလို တဏှာဆိုတဲ့ အတွယ်အတာ ဘာကြောင့်ပေါ်ရတာလဲ ဆိုရင် အမှန်မသိတဲ့ အ၀ိဇ္ဖာကနေ
ပုံဖေါ်ပေးနေလို့  ပေါ်တာဖြစ်တယ်။
မလှတာကို လှတယ်လို့  ပုံဖေါ်ပေးတယ်။ မကောင်းတာကို ကောင်းတယ်လို့  ပုံဖေါ်ပေးတယ်။
အ၀ိဇ္ဇာက အလှ၊ အကောင်း၊ မြင်လာအောင် သွေးဆောင်တဲ့အတိုင်း၊ တဏှာကနေ လိုက်ပြီး
တွယ်တာတယ်၊ အဲဒီ အ၀ိဇ္ဖာ-တဏှာ နှစ်ခုကြောင့် သံသရာ ရှိနေတာ။ သူတို့ ဟာ သံသရာရဲ့ 
အမြစ်နှစ်ခုပဲ။ အဲဒီအမြစ် နှစ်ခုကို မဖယ်နိုင်ရင်တော့ သံသရာထဲမှာ သူကအကျိုး ပေးနေအုံးမှာ။
ဒီအမြစ်နှစ်ခုကို ဖယ်ရှားလိုက်တာနဲ့  သံသရာရဲ့ ဘောင်ကို ဖြတ်ကျော်ပြီးတော့ နိဗ္ဗာန်ထိအောင်
ရောက်နိုင်တဲ့ သူတော်ကောင်းတွေ ဖြစ်ကြပါစေ။ ။
{ ၁၃၆၉-ခုနှစ် အရှင်နန္ဒမာလာဘိဝံသ(Ph.D) ဟောကြားတော်မူသော "အကာကိုပစ်၍
အနှစ် ကိုရှာ" တရားတော်မှ ကောက်နုတ် ရေးသားပူဇော် ပါသည်။ }
(မှားယွင်းမှုများရှိသော် အစဉ်သနားသောအားဖြင့် သည်းခံခွင့်လွှတ်ပေးပါရန်
ဦးခိုက်လျှောက်ထားပါသည် ဆရာတော်အရှင်သူမြတ်ဘုရား)

ဦးသိန်းဝေ။
http://www.facebook.com/damanadi.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

အနတ္တလက္ခဏသုတ္တ မြန်မာပြန်

           အနတ္တလက္ခဏသုတ္တ

          ( အတ္တ မဟုတ်တဲ့ အမှတ်အသား )

ဒီလို ငါ ကြားဖူးတယ် ။ တခါတော့ မြတ်စွာဘုရားဟာ ဗာရာဏသီမှာ နေတော်မူတယ် ရသေ့ဆင်းတဲ့ ဘေးမဲ့တောမှာပ ။
အဲဒီတုံးက မြတ်စွာဘုရားက ငါးဦးအစု ရဟန်းတို့ကို ခေါ်တော်မူတယ် ။ “ ရဟန်း တို့ ” တဲ့ ။
“ အရှင်ဘုရား ” လို့ အဲဒီရဟန်းတွေက မြတ်စွာဘုရားကို ပြန်ကြားကြတယ် ။ မြတ်စွာဘုရားက ဒီလိုမိန့်တယ် ။
ရုပ်ဟာ အတ္တ မဟုတ်ဘူး ရဟန်းတို့ ။
ရုပ်သာ အတ္တ ဟုတ်ရင် ရဟန်းတို့ ရုပ်မှာ နာတာရယ်လို့ မဖြစ်ပေဘူး ၊
“ ဒီလို ငါ့ မှာ ရုပ် ဖြစ်စေ ။ ဒီလို ငါ့ မှာ ရုပ် မဖြစ်နဲ့ ” လို့ ရုပ်မှာ ပြောလို့ ရမှာပေါ့  ။ ”
“ ရုပ်ဟာ အတ္တ မဟုတ်လို့သာ ရဟန်းတို့ ။ ရုပ်မှာ နာတာ ဖြစ်တယ် ။
ဒီလို ငါ့  မှာ ရုပ်ဖြစ်စေ ။ ဒီလို ငါ့ မှာ ရုပ်မဖြစ်နဲ့ လို့ ” ရုပ်မှာ ပြောလို့ မရတာ ဖြစ်တယ် ။
ခံစားမူ ဝေဒနာ ဟာ အတ္တ မဟုတ်ဘူး ရဟန်းတို့ ။
. မှတ်သားမူ သညာ ဟာ အတ္တ မဟုတ်ဘူး ရဟန်းတို့ ။
သင်္ခါရတွေ(ပြုပြင်မူတွေ) ဟာ အတ္တ မဟုတ်ဘူး ရဟန်းတို့ ။
ဝိညာဉ် ( အသိစိတ် ) ဟာ အတ္တ မဟုတ်ဘူး ရဟန်းတို့ ။
ဝိညာဉ်သာ အတ္တ ဟုတ်ရင် ရဟန်းတို့ ၀ိညာဉ်မှာ နာတာရယ်လို့ မဖြစ်ပေဘူး ၊

“ ဒီလို ငါ့ မှာ ၀ိညာဉ် ဖြစ်စေ ။ ဒီလို ငါ့ မှာ ၀ိညာဉ် မဖြစ်နဲ့ ” လို့ ၀ိညာဉ်မှာ ပြောလို့ ရမှာပေါ့  ။ ”
“၀ိညာဉ်ဟာ အတ္တ မဟုတ်လို့သာ ရဟန်းတို့ ။ ၀ိညာဉ် မှာ နာတာ ဖြစ်တယ် ။
ဒီလို ငါ့  မှာ ၀ိညာဉ် ဖြစ်စေ ။ ဒီလို ငါ့ မှာ ၀ိညာဉ် မဖြစ်နဲ့ လို့ ” ၀ိညာဉ် မှာ ပြောလို့ မရတာ ဖြစ်တယ် ။
ဒါ ဘယ်လိုထင်ကြလဲ ရဟန်းတို့ ။ ရုပ်ဟာ မြဲသလား မမြဲဘူးလား ။
မမြဲပါ အရှင်ဘုရား ။
အဲဒီလို မမြဲတဲ့ဟာ ဆင်းရဲလား ချမ်းသာလား ။
ဆင်းရဲပါ အရှင်ဘုရား ။
အဲဒီလို မမြဲတာ ဆင်းရဲတာ ဖောက်ပြန်တတ်တဲ့ သဘောရှိတာကို “ ဒါ ငါ့ ဟာပဲ ၊ ဒါ ငါ ဖြစ်တယ် ။ ဒါ ငါ့  အတ္တပဲ ”လို့
ရှုမြင်လို့ သင့်တော် ပါ့ မလား ။
မသင့်တော်ပါ အရှင်ဘုရား ။
 “ ခံစားမှု (ဝေဒနာ ) မြဲသလား မမြဲဘူးလား . . . .
သညာ မြဲသလား မမြဲဘူးလား . . . . . .
သင်္ခါရတွေ မြဲသလား မမြဲဘူးလား . . . . .
ဝိညာဉ် မြဲသလား မမြဲဘူးလား . . . . .
မမြဲပါ အရှင်ဘုရား ။
အဲဒီလို မမြဲတဲ့ဟာ ဆင်းရဲလား ချမ်းသာလား ။
ဆင်းရဲပါ အရှင်ဘုရား ။
အဲဒီလို မမြဲတာ ဆင်းရဲတာ ဖောက်ပြန်တတ်တဲ့ သဘောရှိတာကို “ ဒါ ငါ့ ဟာပဲ ၊ ဒါ ငါ ဖြစ်တယ် ။ ဒါ ငါ့  အတ္တပဲ ”လို့
ရှုမြင်လို့ သင့်တော် ပါ့ မလား ။
မသင့်တော်ပါ အရှင်ဘုရား ။
ဒါ့ ကြောင့် ရုပ်မှန်သမျှ အတိတ် အနာဂတ် ပစ္စုပ္ပန် ၊ အတွင်း ဖြစ်ဖြစ် အပြင် ဖြစ်ဖြစ် ၊ ကြမ်းကြမ်း နုနု၊ ယုတ်ယုတ်မြတ်မြတ်
ဝေးဝေး နီးနီး ၊ ရုပ် အားလုံး က “ ဒါ ငါ့ ဟာ မဟုတ်ဘူး ၊ ဒါ ငါ မဟုတ်ဘူး ၊ ဒါ ငါ့ အတ္တ မဟုတ်ဘူး ” လို့ ဒီလိုဖြစ်ရှိနေတဲ့
အတိုင်း ပညာမှန် နဲ့ မြင်ရမယ် ။
ဝေဒနာ မှန်သမျှ . . . . . . .
သညာ မှန်သမျှ . . . . . . .
သခါင်္ရ မှန်သမျှ . . . . . . .
ဝိညာဉ်မှန်သမျှ အတိတ် အနာဂတ် ပစ္စုပ္ပန် ၊ အတွင်းဖြစ် အပြင် ဖြစ်ဖြစ် ၊ ကြမ်းကြမ်း နုနု၊ ယုတ်ယုတ်မြတ်မြတ်
ဝေးဝေး နီးနီး ၊ ရုပ် အားလုံး က “ ဒါ ငါ့ ဟာ မဟုတ်ဘူး ၊ ဒါ ငါ မဟုတ်ဘူး ၊ ဒါ ငါ့ အတ္တ မဟုတ်ဘူး ” လို့ ဒီလိုဖြစ်ရှိနေတဲ့
အတိုင်း ပညာမှန် နဲ့ မြင်ရမယ် ။
ဒီလိုမြင်တဲ့ အခါ ရဟန်းတို့ ၊ သင်ကြားထားတဲ့ အရိယာ တပည့်ဟာ ရုပ်မှာလည်း ငြီးငွေ့တယ် ၊ ဝေဒနာမှာလည်းငြီးငွေ့တယ် သညာမှာလည်း ငြီးငွေ့တယ် ။ သင်္ခါရ မှာလည်း ငြီးငွေ့တယ် ။ ၀ိညာဉ် မှာလည်း ငြီးငွေ့တယ်၊ ငြီးငွေ့တော့ တပ်မှု ကင်းတယ် ၊
တပ်မှု ကင်းတော့ လွတ်မြောက်တယ်၊ လွတ်မြောက်တော့ “ ဒါ လွတ်မြောက်တာပဲ ” လို့ အသိဖြစ်ပေါ်တယ် ။
ကုန်ခမ်းပြီ၊ မွေးဖွားခြင်း၊ ကျင့်ပြီးပြီ၊ မြတ်တဲ့ အကျင့်၊ ပြုပြီးပြီ ပြုသင့်တာ ။ ဒီအဖြစ်အပြင် အခြား အဖြစ် မရှိတော့ပြီ လို့ သိသွားတယ် “ တဲ့ ။
ဒီလို မိန့်တော်မူရဲ့ မြတ်စွာဘုရား ၊ ကြည်နူးကာ ငါးဦး အစု ရဟန်းတို့က မြတ်စွာဘုရား ဟောတာကို နှစ်ခြိုက်ကြတယ်။
ဒီဟောပြောချက် ဟောစဉ် ငါးဦးအစုရဟန်းတို့မှာ စွဲလမ်းမှုမရှိ အာသ၀တွေကနေ စိတ်တွေ လွတ်မြောက်ကုန်ကြတယ် ။

      သံယုတ္တနိကာယ ။ ခန္ဓ၀ဂ္ဂသံယုတ္တ ၆ ၊ ၇ ။
       ၀ိနယ ပိဋက ။ မဟာဝဂ္ဂ ၆ ။
                  မောင်သာနိုး မြန်မာပြန်ပါတယ် ။

အနတ္တလက္ခဏ သုတ် ပါဠိ+ မြန်မာ

     

  

     အနတ္တ-လက္ခဏ သုတ္တ  

( အတ္တ မဟုတ်တဲ့ အမှတ်အသား )

ဧ၀ံ မေ သုတံ ။ ဧကံ သမယံ ဗာရာဏသိယံ ၀ိဟရတိ ဣသိပတနေ မိဂဒါယေ ။
ဒီလို ငါ ကြားဖူးတယ် ။ တခါတော့ မြတ်စွာဘုရားဟာ ဗာရာဏသီမှာ နေတော်မူတယ် ရသေ့ဆင်းတဲ့ ဘေးမဲ့တောမှာပ ။

တာတ ခေါ ဘဂ၀ါ ပဉ္စ၀ဂ္ဂီယေ ဘိက္ခူ အာမန္တေသိ - “ ဘိက္ခဝေါ ” တိ ။
အဲဒီတုံးက မြတ်စွာဘုရားက ငါးဦးအစု ရဟန်းတို့ကို ခေါ်တော်မူတယ် ။ “ ရဟန်း တို့ ” တဲ့ ။

“ ဘဒန္တေ ” တိ တေ ဘိက္ခူ ဘဂ၀တော ပစ္စေဿာသုံ ။ ဘဂ၀ါ ဧတ ဒဝေါစ -
 “ အရှင်ဘုရား ” လို့ အဲဒီရဟန်းတွေက မြတ်စွာဘုရားကို ပြန်ကြားကြတယ် ။ မြတ်စွာဘုရားက ဒီလိုမိန့်တယ် ။

“ ရူပံ ဘိက္ခဝေ အနတ္တာ ။
ရုပ်ဟာ အတ္တ မဟုတ်ဘူး ရဟန်းတို့ ။

ရူပဉ္စ ဟိဒံ ဘိက္ခဝေ အတ္တာ အဘ၀ိဿ၊ န ယိဒံ ရူပံ အာဗာဓာယ သံဝတ္တေယျ ၊
ရုပ်သာ အတ္တ ဟုတ်ရင် ရဟန်းတို့ ရုပ်မှာ နာတာရယ်လို့ မဖြစ်ပေဘူး ၊

လဗ္ဘေထ စရူပေ “ ဧ၀ံ မေ ရူပံ ဟောတု ၊ ဧ၀ံ မေ ရူပံမာ အဟောသီ ” တိ ။
“ ဒီလို ငါ့ မှာ ရုပ် ဖြစ်စေ ။ ဒီလို ငါ့ မှာ ရုပ် မဖြစ်နဲ့ ” လို့ ရုပ်မှာ ပြောလို့ ရမှာပေါ့  ။ ”

“ ယသ္မာ စ ခေါ ဘိက္ခဝေ ရူပံ အနတ္တာ တသ္မာ ရူပံ အာဗာဓာယ သံဝတ္တတိ ၊
“ ရုပ်ဟာ အတ္တ မဟုတ်လို့သာ ရဟန်းတို့ ။ ရုပ်မှာ နာတာ ဖြစ်တယ် ။

န စ လဗ္ဘတိ ရူပေ “ ဧ၀ံ မေ ရူပံ ဟောတု ၊ ဧ၀ံ မေ ရူပံ မာ အဟောသီ ” တိ ။
ဒီလို ငါ့  မှာ ရုပ်ဖြစ်စေ ။ ဒီလို ငါ့ မှာ ရုပ်မဖြစ်နဲ့ လို့ ” ရုပ်မှာ ပြောလို့ မရတာ ဖြစ်တယ် ။

“ ဝေဒနာ ဘိက္ခဝေ အနတ္တာ . . . . . . . . .
ခံစားမူ ဝေဒနာ ဟာ အတ္တ မဟုတ်ဘူး ရဟန်းတို့ ။
“ သညာ ဘိက္ခဝေ အနတ္တာ . . . . . . . . . မှတ်သားမူ သညာ ဟာ အတ္တ မဟုတ်ဘူး ရဟန်းတို့ ။
“ သင်္ခါရာ ဘိက္ခဝေ အနတ္တာ . . . . . . . . . သင်္ခါရတွေ(ပြုပြင်မူတွေ) ဟာ အတ္တ မဟုတ်ဘူး ရဟန်းတို့ ။
“ ၀ိညာဏံ ဘိက္ခဝေ အနတ္တာ . . . . . . . . ။
ဝိညာဉ် ( အသိစိတ် ) ဟာ အတ္တ မဟုတ်ဘူး ရဟန်းတို့ ။

ဝိညာဏဉ္စ ဟိ ဒံ ဘိက္ခဝေ အတ္တာ အဘ၀ိဿ ၊ န ယိ ဒံ ၀ိညာဏံ အာဗာဓာယ သံဝတ္တေယျ ။
ဝိညာဉ်သာ အတ္တ ဟုတ်ရင် ရဟန်းတို့ ၀ိညာဉ်မှာ နာတာရယ်လို့ မဖြစ်ပေဘူး ၊

လဗ္ဘေထ စ ၀ိညာဏေ “ ဧ၀ံ မေ ၀ိညာဏံ ဟောတု ။ ဧ၀ံ မေ ၀ိညာဏံ မာ အဟောသီ ”တိ ။
“ ဒီလို ငါ့ မှာ ၀ိညာဉ် ဖြစ်စေ ။ ဒီလို ငါ့ မှာ ၀ိညာဉ် မဖြစ်နဲ့ ” လို့ ၀ိညာဉ်မှာ ပြောလို့ ရမှာပေါ့  ။ ”

“ ယသ္မာ စ ခေါ ဘိက္ခဝေ ၀ိညာဏံ အနတ္တာ ။ တသ္မာ ရူပံ အာဗာဓာယ သံဝတ္တတိ ၊
“၀ိညာဉ်ဟာ အတ္တ မဟုတ်လို့သာ ရဟန်းတို့ ။ ၀ိညာဉ် မှာ နာတာ ဖြစ်တယ် ။

န စ လဗ္ဘတိ ၀ိညာဏေ “ ဧ၀ံ မေ ၀ိညာဏံ ဟောတု ၊ ဧ၀ံ မေ ၀ိညာဏံ မာ အဟောသီ ” တိ ။
ဒီလို ငါ့  မှာ ၀ိညာဉ် ဖြစ်စေ ။ ဒီလို ငါ့ မှာ ၀ိညာဉ် မဖြစ်နဲ့ လို့ ” ၀ိညာဉ် မှာ ပြောလို့ မရတာ ဖြစ်တယ် ။

“ တံ ကိံ မညထ ဘိက္ခဝေ ရူပံ နစ္စံ ၀ါ အနိစ္စံ ၀ါ ” တိ ။
ဒါ ဘယ်လိုထင်ကြလဲ ရဟန်းတို့ ။ ရုပ်ဟာ မြဲသလား မမြဲဘူးလား ။

“ အနိစ္စံ ဘန္တေ ။ ”
မမြဲပါ အရှင်ဘုရား ။

“ ယံ ပနာ နိစ္စံ ဒုက္ခံ ၀ါ တံ သုခံ ၀ါ ” တိ ။
အဲဒီလို မမြဲတဲ့ဟာ ဆင်းရဲလား ချမ်းသာလား ။

“ ဒုက္ခံ ဘန္တေ ။ ”
ဆင်းရဲပါ အရှင်ဘုရား ။

“ ယံ ပနာ နိစ္စံ ဒုက္ခံ ၀ိပရိဏာမ - ဓမ္မံ၊ ကလ္လံ နု သမနုပဿိတုံ - “ ဧတံ မမ ၊ ဧသော ဟ မသ္မိ ၊ ဧသော မေ အတ္တာ ” တိ ။
အဲဒီလို မမြဲတာ ဆင်းရဲတာ ဖောက်ပြန်တတ်တဲ့ သဘောရှိတာကို “ ဒါ ငါ့ ဟာပဲ ၊ ဒါ ငါ ဖြစ်တယ် ။ ဒါ ငါ့  အတ္တပဲ ”လို့
ရှုမြင်လို့ သင့်တော် ပါ့ မလား ။

“ နော ဟေ တံ ဘန္တေ ” ။
မသင့်တော်ပါ အရှင်ဘုရား ။

“ ဝေဒနာ နိစ္စံ ၀ါ အနိစ္စံ ၀ါ ” တိ . . . . . . .
 “ ခံစားမှု (ဝေဒနာ ) မြဲသလား မမြဲဘူးလား . . . .
“ သညာ နိစ္စံ ၀ါ အနိစ္စံ ၀ါ ” တိ . . . . . . .
သညာ မြဲသလား မမြဲဘူးလား . . . . . .
“ သင်္ခါရာ နိစ္စံ ၀ါ အနိစ္စံ ၀ါ ” တိ . . . . . . .
သင်္ခါရတွေ မြဲသလား မမြဲဘူးလား . . . . .
“ ၀ိညာဏံ နိစ္စံ ၀ါ အနိစ္စံ ၀ါ ” တိ . . . . . . .
ဝိညာဉ် မြဲသလား မမြဲဘူးလား . . . . .
“ အနိစ္စံ ဘန္တေ ။ ”
မမြဲပါ အရှင်ဘုရား ။

“ ယံ ပနာ နိစ္စံ ဒုက္ခံ ၀ါ တံ သုခံ ၀ါ ” တိ ။
အဲဒီလို မမြဲတဲ့ဟာ ဆင်းရဲလား ချမ်းသာလား ။

“ ဒုက္ခံ ဘန္တေ ။ ”
ဆင်းရဲပါ အရှင်ဘုရား ။



 “ ယံပနာ နိစ္စံ ဒုက္ခံ ၀ိပရိဏာမ - ဓမ္မံ ကလ္လံ နု တံ သမနုပဿိတုံ - “ ဧတံ မမ ၊ ဧသော ဟ မသ္မိ ၊ ဧသော မေ အတ္တာ ” တိ ။
အဲဒီလို မမြဲတာ ဆင်းရဲတာ ဖောက်ပြန်တတ်တဲ့ သဘောရှိတာကို “ ဒါ ငါ့ ဟာပဲ ၊ ဒါ ငါ ဖြစ်တယ် ။ ဒါ ငါ့  အတ္တပဲ ”လို့
ရှုမြင်လို့ သင့်တော် ပါ့ မလား ။

“ နော ဟေ တံ ဘန္တေ ” ။
မသင့်တော်ပါ အရှင်ဘုရား ။

“ တသ္မာ တိ ဟ ဘိက္ခဝေ ယံ ကိဉ္စိ ရူပံ အတီတာ နာဂတ ပစ္စုပ္ပန္နံ အဇ္ဈတ္တံ ၀ါ ဗဟိဒ္ဓါ ၀ါ သြဠာရိကံ ၀ါ သုခုမံ ၀ါ
ဟီနံ ၀ါ ပဏီတံ ၀ါ ယံ ဒူရေ သန္တိကေ၀ါ ၊ သဗ္ဗံ ရူပံ “ နေ တံ မမ၊ နေ သော ဟ မသ္မိ၊ န မေသော အတ္တာ ” တိ ။
ဧ၀ မေတံ ယထာ ဘူတံ သမ္မပ္ပညာယ ဒဋ္ဌဗ္ဗံ ။
ဒါ့ ကြောင့် ရုပ်မှန်သမျှ အတိတ် အနာဂတ် ပစ္စုပ္ပန် ၊ အတွင်း ဖြစ်ဖြစ် အပြင် ဖြစ်ဖြစ် ၊ ကြမ်းကြမ်း နုနု၊ ယုတ်ယုတ်မြတ်မြတ်
ဝေးဝေး နီးနီး ၊ ရုပ် အားလုံး က “ ဒါ ငါ့ ဟာ မဟုတ်ဘူး ၊ ဒါ ငါ မဟုတ်ဘူး ၊ ဒါ ငါ့ အတ္တ မဟုတ်ဘူး ” လို့ ဒီလိုဖြစ်ရှိနေတဲ့
အတိုင်း ပညာမှန် နဲ့ မြင်ရမယ် ။

“ ယာ ကာစိ ဝေဒနာ . . . . . .
ဝေဒနာ မှန်သမျှ . . . . . . .
 “ ယာ ကာစိ သညာ . . . . . .
သညာ မှန်သမျှ . . . . . . .
“ ယေ ကေစိ သင်္ခါရာ . . . . . .
သခါင်္ရ မှန်သမျှ . . . . . . .
“ ယံ ကဉ္စိ ၀ိညာဏံ အတီတာ နာဂတ ပစ္စုပ္ပန္နံ အဇ္ဈတ္တံ ၀ါ ဗဟိဒ္ဓါ ၀ါ သြဠာရိကံ ၀ါ သုခုမံ ၀ါ
ဟီနံ ၀ါ ပဏီတံ ၀ါ ယံ ဒူရေ သန္တိကေ၀ါ ၊ သဗ္ဗံ ၀ိညာဏံ “ နေ တံ မမ၊ နေ သော ဟ မသ္မိ၊ န မေသော အတ္တာ ” တိ ။
ဧ၀ မေတံ ယထာ ဘူတံ သမ္မပ္ပညာယ ဒဋ္ဌဗ္ဗံ ။
ဝိညာဉ်မှန်သမျှ အတိတ် အနာဂတ် ပစ္စုပ္ပန် ၊ အတွင်းဖြစ် အပြင် ဖြစ်ဖြစ် ၊ ကြမ်းကြမ်း နုနု၊ ယုတ်ယုတ်မြတ်မြတ်
ဝေးဝေး နီးနီး ၊ ရုပ် အားလုံး က “ ဒါ ငါ့ ဟာ မဟုတ်ဘူး ၊ ဒါ ငါ မဟုတ်ဘူး ၊ ဒါ ငါ့ အတ္တ မဟုတ်ဘူး ” လို့ ဒီလိုဖြစ်ရှိနေတဲ့
အတိုင်း ပညာမှန် နဲ့ မြင်ရမယ် ။

“ ဧ၀ံ ပဿံ ဘိက္ခဝေ သုတ၀ါ အရိယ- သာဝကော ရူပသ္မိမ္ပိ နိဗ္ဗိန္ဒတိ ၊ ဝေဒနာ ယ ပိ နိဗ္ဗိန္ဒိတိ ၊ သညာယ ပိ နိဗ္ဗိန္ဒတိ၊
သင်္ခါရေသု ပိ နိဗ္ဗိန္ဒတိ၊ ၀ိညာဏသ္မိမ္ပိ နိဗ္ဗိန္ဒိ ၊ နိဗ္ဗန္ဒံ ၀ိရဇ္ဇတိ ၊ ၀ိရာဂါ ၀ိမုစ္စတိ၊ ၀ိမုတ္တသ္မိံ “ ၀ိမုတ္တ ” မီတိ ဉာဏံဟောတိ ။
ဒီလိုမြင်တဲ့ အခါ ရဟန်းတို့ ၊ သင်ကြားထားတဲ့ အရိယာ တပည့်ဟာ ရုပ်မှာလည်း ငြီးငွေ့တယ် ၊ ဝေဒနာမှာလည်းငြီးငွေ့တယ် သညာမှာလည်း ငြီးငွေ့တယ် ။ သင်္ခါရ မှာလည်း ငြီးငွေ့တယ် ။ ၀ိညာဉ် မှာလည်း ငြီးငွေ့တယ်၊ ငြီးငွေ့တော့ တပ်မှု ကင်းတယ် ၊
တပ်မှု ကင်းတော့ လွတ်မြောက်တယ်၊ လွတ်မြောက်တော့ “ ဒါ လွတ်မြောက်တာပဲ ” လို့ အသိဖြစ်ပေါ်တယ် ။

“ ခီဏာ ဇာတိ ၊ ၀ုသိတံ ဗြဟ္မစရိယံ၊ ကတံ ကရဏီယံ ၊ နာ ပရံ ဣတ္ထတ္တာယာ “ တိ ပဇာနာတီ” တိ ။
ကုန်ခမ်းပြီ၊ မွေးဖွားခြင်း၊ ကျင့်ပြီးပြီ၊ မြတ်တဲ့ အကျင့်၊ ပြုပြီးပြီ ပြုသင့်တာ ။ ဒီအဖြစ်အပြင် အခြား အဖြစ် မရှိတော့ပြီ လို့ သိသွားတယ် “ တဲ့ ။

ဣဒ မဝေါစ ဘဂ၀ါ ၊ အတ္တမနာ ပဉ္စ၀ဂ္ဂိယာ ဘိက္ခူ ဘဂ၀တော ဘာသိတံ အဘိနန္ဒုံ ၊။
ဒီလို မိန့်တော်မူရဲ့ မြတ်စွာဘုရား ၊ ကြည်နူးကာ ငါးဦး အစု ရဟန်းတို့က မြတ်စွာဘုရား ဟောတာကို နှစ်ခြိုက်ကြတယ်။

ဣမသ္မိံ စ ပန ဝေယျာကရဏသ္မိံ ဘညမာနေ ပဉ္စ၀ဂ္ဂိယာနံ ဘိက္ခူနံ အနုပါဒါယ အာသဝေဟိ စိတ္တာနိ ၀ိမုစ္စိံသူ တိ ။
ဒီဟောပြောချက် ဟောစဉ် ငါးဦးအစုရဟန်းတို့မှာ စွဲလမ်းမှုမရှိ အာသ၀တွေကနေ စိတ်တွေ လွတ်မြောက်ကုန်ကြတယ် ။

သံယုတ္တနိကာယ ။ ခန္ဓ၀ဂ္ဂသံယုတ္တ ၆ ၊ ၇ ။
ဝိနယ ပိဋက ။ မဟာဝဂ္ဂ ၆ ။
မောင်သာနိုး မြန်မာပြန်ပါတယ် ။

စိတ်ဓာတ် ငြိမ်းချမ်းရေး

ဘာသာရေး ကိုင်းရှိုင်းဖို့ ။ ဦးသန့်

Young Buddhist's Asosciation   က ကူးသည် ။

ဗုဒ္ဓနှင့် စံပြခေါင်းဆောင်မှု

ဗုဒ္ဓနှင့်စံပြခေါင်းဆောင်မှု (လွန်ခဲ့သော နှစ်ပေါင်း ၂၅၀၀ က ခေါင်းဆောင်မှု)

ကျွန်တော် စာစဖတ်စအရွယ်မှာ အိမ်အနီးအနားပတ်ဝန်းကျင်ကစာအုပ်အငှားဆိုင်လေးတွေနဲ့ ကျွန့်တော့်အဖိုးရဲ့ စာအုပ်စင်ကြီးဟာ ကျွန်တော့်အတွက် အဖိုးမဖြတ်နိုင်တဲ့စာပေဗိမာန်ကြီး တွေလိုဖြစ်ခဲ့ပါတယ်။ စာအုပ်အငှားဆိုင်လေးတွေ ကတော့ ကာတွန်းတွေ၊ ပုံပြင်လေးတွေ နဲ့ စာတိုပေစလေးတွေကိုဖတ်ရပြီး၊ အဖိုးရဲ့စာအုပ်စင်ကြီးကနေတော့ ဗုဒ္ဓစာပေတွေကို အဓိကဖတ်ခဲ့ရပါတယ်။ ငယ်ငယ်ရွယ်ရွယ်နဲ့ အတွေးအခေါ် မြင့်မားလှတဲ့ ဗုဒ္ဓဒဿနတွေကိုဖတ်ပြီး မဖြစ်စလောက်ဦးနှောက်နဲ့ ဝေဖန်ရေးတွေလုပ်မိလို့လည်း အဖိုးဆူတာကို ခဏခဏခံခဲ့ရဖူးပါတယ်။ အဲဒီလို အဖိုးနဲ့ အဖိုးရဲ့စာအုပ်စင်ကြီးတို့ ကျေးဇူးကြောင့်ပဲ ကျွန်တော်ဟာ ဗုဒ္ဓဘာသာကို မိရိုးဖလာ ယုံကြည်ကိုးကွယ်တယ်ဆိုတဲ့ အဆင့်ထက် ကျော်ပြီး နားလည်သဘောပေါက်ခွင့်ရခဲ့ပြီး တရားတော်တွေရဲ့ လမ်းပြသွန်သင်မှုကို အတိုင်းအတာတစ်ခုအထိ ခံယူနိုင်ခဲ့ပါတယ်။ လူငယ်တစ်ယောက်ပီပီ လောကုတ္တရာ ဘက်ကိုဦးစားပေးတဲ့ ၀ိပဿနာလိုင်းကို သိပ်မလိုက်စား မိပေမယ့်၊ လောကီလူ့ဘ၀မှာ တရားတော်နဲ့အညီ ဘယ်လို ကျင့်ကြံပြုမူ ပြောဆိုနေထိုင်သင့်တယ်ဆိုတာတွေကို အဓိကလေ့လာဖြစ်ခဲ့ပါတယ်။ နောက်ပြီး တပည့်သံဃာတော်ပေါင်း အထောင် အသောင်းအသိန်းရှိတဲ့ သံဃာ့အဖွဲ့အစည်းကြီးတစ်ခုကို အောင်အောင်မြင်မြင်နဲ့ တည်ထောင်ဖွဲ့စည်းပြီး အဓွန့်ရှည်အောင် ထိန်းသိမ်းအုပ်ချုပ် ဦးဆောင်နိုင်ခဲ့တဲ့ ဗုဒ္ဓမြတ်စွာဘုရားကို အနှိုင်းမဲ့ စံပြခေါင်းဆောင်ကောင်းတစ်ယောက်အဖြစ် မြင်လာခဲ့ရာကနေ ဂေါတမဗုဒ္ဓရဲ့ သံဃာ အဖွဲ့အစည်းကြီးကို ဘယ်လိုဘယ်ပုံ စီမံအုပ်ချုပ်ခဲ့တယ်ဆိုတာကိုသာ ကျွန်တော်တို့တွေ စံနမူနာယူနိုင်ခဲ့မယ်ဆိုရင် လောကလူ့အဖွဲ့အစည်းကြီး ကိုလည်း အောင်မြင်ပြည့်ဝတဲ့ခေါင်းဆောင်မှုတွေ ပေးနိုင်မှာသေချာတယ်လို့လဲ တွေးမိခဲ့ပါတယ်။ ဗုဒ္ဓမြတ်စွာဘုရားဟာ ဘုရားစဖြစ်တဲ့ အချိန်ကစပြီး ပရိနိဗ္ဗာန်စံတော်မူတဲ့အချိန်အထိ ၀ါတော်၄၅၀ါပတ်လုံးမှာ ဗုဒ္ဓသာသနာတော် ပြန့်ပွားစည်ပင်ရေးအတွက် သံဃာတော် အမြောက်အများပါဝင်တဲ့ သံဃာအဖွဲ့အစည်းကြီးကို ဘယ်ပုံဘယ်နည်းနဲ့ စီမံခန့်ခွဲတော်မူခဲ့တယ် ဆိုတာကို ကျွန်တော်တို့လေ့လာသုံးသပ်ရင်း လောကီ့လူ့အဖွဲ့အစည်းအတွက် တစ်စုံတစ်ရာသော အကျိုးကျေးဇူးတွေကို ထုတ်ယူကြည့်ကြ ရအောင်ပါ။

ဗုဒ္ဓမြတ်စွာဘုရားဟာ သံဃာ့အဖွဲ့အစည်းကြီးရဲ့ ပထမဆုံးသောအဖွဲ့ဝင်တွေလို့ဆိုရမယ့် ပဉ္စ၀ဂ္ဂီငါးပါးကို ဓမ္မစကြာတရားဦး ဟောကြားဖို့အတွက် မိဂဒါဝုန်တောကိုကြွလှမ်းတော်မူခဲ့ပါတယ်။ အဲဒီမှာ ဗုဒ္ဓက ...

``ရဟန်းတို့ ... ငါဘုရားသည် ကိလေသာအားလုံးမှ ဝေးကွာခဲ့ပြီဖြစ်၏။ မိမိအလိုကို ကိုယ်တော်တိုင် ထိုးထွင်း၍ သိခဲ့၏။ ရဟန်းတို့ နားစိုက်၍ထားကြလော့။ ငါကိုယ်တိုင် သိမြင်ပေါက်ပိုင်ထားခဲ့သော `အမတေ´ တရားကို ငါဆုံးမမည်။ ငါတရားဟောမည်။´´

လို့အမိန့်ရှိပြီး ပဉ္စ၀ဂ္ဂီငါးပါးကို တရားနာကြဖို့ဖိတ်ခေါ်ခဲ့ပါတယ်။ အဲဒါကို သူတို့ကသံသယတွေနဲ့ ငြင်းဆန်နေခဲ့ကြတာကြောင့် ဒုတိယအကြိမ် ထပ်မံဖိတ်ခေါ်ပြန်ပါတယ်။ အဲဒါကိုလည်းငြင်းဆန်မြဲငြင်းဆန် နေကြတာကြောင့် တတိယအကြိမ်မှာတော့ ဗုဒ္ဓက ...

``ရဟန်းတို့ ရှေးအခါများတုန်းက ငါဘုရားသည် ဤသို့သော စကားများ ပြောကြားခဲ့ဖူးပါသလား။ သင်တို့ သတိများ ထားခဲ့မိကြပါ သလား။´´ လို့မိန့်တော်မူမှ ပဉ္စ၀ဂ္ဂီရဟန်းတို့လည်း ယုံကြည်စိတ်ချ သွားကြပြီး တရားတော်ကို နာကြားခဲ့ကြပါတယ်။

ဒီနေရာမှာ ကျွန်တော်တို့ ဘာကိုသွားတွေ့ရသလဲဆိုရင် မုသားမပြောသူ တစ်ဦးရဲ့ နှုတ်ထွက်စကားဟာ သစ္စာအဖြစ်တည်တယ်ဆိုတဲ့ အချက်ပါ။ နောက်တစ်ခုက ယုံကြည်မှုတစ်ခုကနေ ဖြစ်လာတဲ့ ကြည်ညိုသဒ္ဓါစိတ်ပါ။ ပဉ္စ၀ဂ္ဂီရဟန်းတို့ဟာ ဗုဒ္ဓကို သူတို့ရဲ့ ဆရာ အဖြစ်သတ်မှတ်ပြီး ဗုဒ္ဓဟောကြားတဲ့ တရားတော်တွေကို နာယူဖို့လက်ခံခဲ့ ကြခြင်းဟာ ဗုဒ္ဓကို သူတို့ရဲ့ ဆရာတင်ထိုက်တယ်၊ ခေါင်းဆောင် တင်ထိုက်တယ်ဆိုတဲ့ စိတ်တစ်ခုဖြစ်လာလို့ပါ ...။ အဲဒီ့စိတ်ဟာ အရမ်းကို အရေးကြီးပါတယ်။ အဲဒီစိတ်ဟာ ဗုဒ္ဓသာသနာတော် ထွန်းကားစည်ပင်ဖို့အတွက် တရားတော်တွေကို လက်ဆင့်ကမ်းဆောင်ယူ ဟောကြားပေးကြမယ့် သံဃာအဖွဲ့အစည်းကြီးတစ်ခုလုံးရဲ့ သန္ဓေတည်ရာ ရေသောက်မြစ်လို့တောင် ပြောလို့ရပါတယ်။ လောကလူ့အဖွဲ့အစည်းတစ်ခုရဲ့ ခေါင်းဆောင်တစ်ယောက်အနေနဲ့လည်း ကိုယ့်ရဲ့ ဦးဆောင်မှု နောက်ကိုလိုက်မယ့် နောက်လိုက်နောက်ပါ အားလုံးရဲ့စိတ်ထဲမှာ ဒီလူဟာ ငါတို့ရဲ့ခေါင်းဆောင် ဖြစ်ထိုက်တယ်ဆိုတဲ့ ယုံကြည်စိတ်ချမှုတစ်ခုရှိနေအောင် စွမ်းဆောင်နိုင်ရပါလိမ့်မယ်။ နောက်ပြီး ဗုဒ္ဓမြတ်စွာဘုရားဟာ ပဉ္စ၀ဂ္ဂီရဟန်းတို့ကို ဓမ္မစကြာတရား ဟောကြားတဲ့နေရာမှာ ရဟန်းတို့က ဗုဒ္ဓဟောသမျှကို ဇွတ်မှိတ်ယုံကြည် လိုက်ကြတာမျိုး မဟုတ်ဘဲ အပြန်ပြန်အလှန်လှန် ဝေဖန်ဆွေးနွေး ခဲ့ကြတယ်လို့သိရပါတယ်။ အဲဒါကြောင့်လဲ အရွယ်ပမာဏအားဖြင့် အလတ်စားလောက်သာရှိတဲ့ ဓမ္မစကြာတရားတော်ကို ငါးရက်တိုင်တိုင် ဘုရားရှင်ဟောကြား တော်မူခဲ့ရခြင်း ဖြစ်ပါတယ်။ ဒါကိုနမူနာယူမယ်ဆိုရင် သုံးလောကထွတ်ထား မြတ်စွာဘုရားသခင်တောင် သစ္စာလေးပါး တရားတော်တွေနဲ့ ပတ်သက်ပြီး ဝေဖန်ဆွေးနွေး သုံးသပ်ခွင့်ပေးခဲ့တာကို ထောက်ရှုပြီး အမှားမကင်းနိုင်တဲ့ ပုထုဇဉ်လူသား ခေါင်းဆောင်တွေအနေနဲ့ ပြန်လည်ဝေဖန် ဆွေးနွေးခွင့်မပေးတဲ့ တစ်သွေးတစ်သံတစ်မိန့်ဆိုတဲ့ မူကို ဘယ်လိုမှမကျင့်သုံး ထိုက်ဘူးဆိုတာ သတိပြုသင့်ပါတယ်။

ဗုဒ္ဓမြတ်စွာဘုရားဟာ သာသနာပြုရဟန္တာပုဂ္ဂိုလ် အတော်အသင့်ရှိလာပြီးတဲ့နောက်မှာ အဆိုပါ အရှင်မြတ်တွေကို ရွာကြီး၊ ရွာငယ်၊ မြို့နယ်မရွေးဘဲ အရပ်ရပ်သောဌာနတွေဆီ ဒေသစာရီကြွချီတော်မူစေခဲ့ပြီး သာသနာ့အသိ၊ သာသနာ့အမြင်၊ သာသနာ့ယဉ်ကျေးမှုတွေကို ဖြန့်ဝေစေခဲ့ပါတယ်။ အဲဒီ ဒေသစာရီကြွချီရာ အရပ်တွေက ရဟန်းပြုလိုသူ ရှင်လောင်း၊ ရဟန်းလောင်းများကို အဆိုပါအရှင်သူမြတ်တွေက ဗုဒ္ဓမြတ်စွာ ဘုရားထံပါးကို ရဟန်းအဖြစ်ခံယူနိုင်ဖို့ ခေါ်ဆောင် လာကြရပါတယ်။ အဲဒီစနစ်ဟာ နောက်ပိုင်းတွေမှာ အချိန်ကြန့်ကြာမှုနဲ့ အဆင်မပြေမှုတွေရှိလာတာကြောင့် ဗုဒ္ဓဟာ ...

``ရဟန်းတို့ ... ယခုအခါမှစ၍ ထိုထိုသောအရပ်မျက်နှာ၊ ထိုထိုသောမြို့ရွာဇနပုဒ်တို့၌ သင်တို့ ဘာသာ ရှင်ပြုပေးကြရန်၊ ရဟန်းပြုပေးကြရန် ငါဘုရားခွင့်ပြုတော်မူ၏။ ´´

ဟု မိန့်တော်မူပြီး ရဟန်းပြုပေးပိုင်ခွင့်အာဏာတော်ကို သာဝကတွေထံ ခွဲဝေပေးခဲ့ပါတယ်။

ဒါဟာလည်း ... အဖွဲ့အစည်းတစ်ခုကို ခေါင်းဆောင်တဲ့နေရာမှာ မရှိမဖြစ်လိုအပ်တဲ့ အချက်တစ်ခုပါပဲ။ ရှိသမျှလုပ်ပိုင်ခွင့် အာဏာတွေအားလုံးကို ခေါင်းဆောင်လုပ်သူကသာ ချုပ်ကိုင်ထားမယ်ဆိုရင် အခြားမလိုလားအပ်တဲ့ ပြဿနာတွေပေါ်ပေါက်လာနိုင်ပြီး နှောင့်နှေးကြန့်ကြာမှုတွေ ဖြစ်လာနိုင်ပါတယ်။ လွှဲပေးလို့ရတဲ့၊ ခွဲဝေပေးလို့ရနိုင်မယ့် ကိစ္စတွေကို ယုံကြည်စိတ်ချရသူတွေဆီ လွှဲပြောင်းခွဲဝေ ပေးထားနိုင်မှလည်း အဖွဲ့အစည်းရဲ့ ပြုဖွယ်ကိစ္စအရပ်ရပ်ဟာ လစ်ဟာမှုတွေမရှိပဲ အဆင်ပြေချောမွေ့နိုင်မှာပါ။ ဒါပေမယ့် တာဝန်တစ်ရပ် လွှဲပေးဖို့အတွက် ဒီလူဟာ ဒီတာဝန်နဲ့ ထိုက်တန်တဲ့အရည်အချင်းတွေရှိရဲ့လားဆိုတာကို မစဉ်းစားဘဲ အခြားသောပုဂ္ဂိုလ်ရေး ခင်မင်မှုတွေနဲ့ လူမှုရေးတွေကို စဉ်းစားတာမျိုးတော့ မဖြစ်ဖို့လိုပါတယ်။

ဗုဒ္ဓမြတ်စွာဘုရားရဲ့လက်ဝဲတော်ရံ အဂ္ဂသာဝကဟာ ပညာအရာမှာ ဧတဒဂ်ရထားတဲ့ အရှင်သာရိပုတ္တရာဖြစ်ပြီး၊ လက်ယာတော်ရံကတော့ တန်ခိုးအရာမှာ ဧတဒဂ်ရတဲ့ အရှင်မဟာမောဂ္ဂလန်ဖြစ်ပါတယ်။ မြတ်စွာဘုရားရဲ့ အဆိုပါအဂ္ဂသာဝကနှစ်ပါးဟာ အခြားသောရာနဲ့ချီတဲ့ ရဟန်းတွေရဲ့နောက်မှ သာသနာ့ဘောင်ကို ၀င်လာခဲ့ကြတာဖြစ်ပါတယ်။ အဲဒီလို နောက်မှရောက်လာပေမယ့် နောင်မှာ အဆိုပါအဂ္ဂသာဝကကြီး နှစ်ဦးဖြစ်လာမယ့် မင်းသားနှစ်ပါး အဝေးမှလာသည်ကို မြင်ကတည်းက ဗုဒ္ဓဟာ ...

``ရဟန်းတို့ ... ရှုကြလော့။ ဥပတိဿ၊ ကောလိတတို့ သူငယ်ချင်းနှစ်ယောက်လာခဲ့ကြပြီ။ သူတို့နှစ်ယောက်သည် ငါ၏ သာဝကအစုံ ဖြစ်လာလတ္တံတည်း။ ´´

ဟုမိန့်ပြီး နောက်ပိုင်းမှာ ထိုရဟန်းနှစ်ပါးကို လက်ဝဲရံ၊ လက်ယာရံအဂ္ဂသာဝကနှစ်ပါးအဖြစ် ထားရှိခဲ့ပါတယ်။

အရည်အချင်းရှိသူကို အရည်အချင်းရှိသလို နေရာပေးတဲ့သဘောကိုတွေ့ရပါတယ်။ ဒါဟာလည်း အဖွဲ့အစည်းတစ်ခု ရေရှည်တည်တံ့ နိုင်ဖို့အတွက် အရမ်းကိုအရေးကြီးပါတယ်။ လူ့အဖွဲ့အစည်းတစ်ခုဟာ အမှန်တကယ် အရည်အချင်းရှိတဲ့ သူတွေကို ဘေးဖယ်ထားပြီး သူတို့ရဲ့ စွမ်းဆောင်နိုင်မှုတွေကို လျှစ်လျှူရှုထားမယ်ဆိုရင် အဲဒီ့အဖွဲ့အစည်းရဲ့ ရေရှည်အကျိုးစီးပွားဟာ ကောင်းလာနိုင်စရာမရှိပါဘူး။ ကမ္ဘာနိုင်ငံ အရပ်ရပ်က အောင်မြင်တဲ့ခေါင်းဆောင်တိုင်းကို လေ့လာကြည့်မယ်ဆိုရင် အသီးသီးသော ကဏ္ဍတွေမှာ အကောင်းဆုံး စွမ်းဆောင်နိုင်မယ့် အသင့်တော်ဆုံးသောသူတွေကို ရွေးချယ်ခန့်ထားနိုင်ကြတာ တွေ့ရပါတယ်။ သူ့နေရာနဲ့သူ အသုံးဝင်မယ့် အရည်အချင်းရှိတဲ့သူတွေကို ရှာဖွေနေရာပေး နိုင်ခြင်းရှိ မရှိဆိုတဲ့အချက်ဟာ အဖွဲ့အစည်းတစ်ခု ရဲ့ကံကြမ္မာကို အများကြီး အကျိုးသက်ရောက် စေပါတယ်။

ဗုဒ္ဓဘုရားရှင်ဟာ သံဃာအဖွဲ့အစည်းကြီးအဓွန့်ရှည်တည်တံ့ပြီး သာသနာတော်ပြန့်ပွားရေးကို စဉ်ဆက်မပျက် ဆောင်ရွက်နိုင်ဖို့ အတွက် ၀ိနည်းပညတ်ချက်တွေကို အလျဉ်းသင့်ရင်သင့်သလို ထုတ်ပြန်ချမှတ်တော်မူခဲ့ပါတယ်။ ဒါပေမယ့် ဗုဒ္ဓမြတ်စွာဘုရားဟာ ထုတ်ပြန်ချမှတ်ထားခဲ့တဲ့ အချို့သော ပညတ်ချက်တွေကို ကာလဒေသအခြေအနေနှင့် လိုက်ပြီး လျော့လွန်းသည်များကို တင်းပေးပြီး၊ တင်းလွန်းနေသည်များကို လျော့ပေါ့ခွင့်ပေးတော်မူခဲ့တာတွေ ရှိပါတယ်။ ဒါဟာလည်း သံဃာအဖွဲ့အစည်း ကြီးရဲ့ ရေရှည်အကျိုးကို ချင့်ချိန်မျှော်တွေးပြီးလုပ်ခဲ့တာတွေပါ။ ဥပမာတစ်ခုအနေနဲ့ပြောရမယ်ဆိုရင် ဗုဒ္ဓဘုရားရှင်ဟာ ရဟန်းတို့အနေနဲ့ ဆယ်ဝါတိုင်တိုင် မိမိရဲ့ဥပဇ္ဈယ်ဆရာများထံ နိဿယည်းယူကြ၍ ဆယ်ဝါပြည့်ပြီးမှ မိမိက နိဿယည်းပြန်ပေးရန် ပညတ်တော်မူခဲ့ပါတယ်။ နောက်ပိုင်းမှာ ရဟန်းတွေဟာ အဆိုပါသိက္ခာပုဒ်ကို ပျက်မှာစိုးတဲ့အတွက် ဘုရားရှင်ဒေသစာရီ လှည့်လည်တဲ့အခါတွေမှာ လိုက်ပါဖို့ကိုငြင်းဆန်ကြပါတယ်။ အဲဒီအခါမှာ ...ဗုဒ္ဓက ...

`` ရဟန်းတို့ တတ်သိနားလည်သောရဟန်းသည် ငါးဝါမျှသာ နိဿယည်းယူ၍နေရမည်။ တတ်သိနားလည်သူ မဟုတ်လျှင်ကား ရာသက်ပန် နိဿယည်းယူ၍ နေရမည်။ ´´ ဟုမိန့်တော်မူပြီး သိက္ခာပုဒ်ကို ပြင်ဆင်တော်မူခဲ့ပါတယ်။

ဒါဟာ လူအဖွဲ့အစည်းထဲက လူသားခေါင်းဆောင်တွေနေနဲ့ အင်မတန်ကို နမူနာယူစရာကောင်းတဲ့ အချက်တစ်ချက်ဖြစ်ပါတယ်။ အဖွဲ့အစည်းတစ်ခုကို ဖွဲ့စည်းတည်ထောင်ပြီး အုပ်ချုပ်တဲ့နေရာမှာ အခိုင်အမာ ဆုပ်ကိုင်ကျင့်သုံးနေရမယ့် မူဝါဒတွေရှိရမယ်ဆိုတာမှန်ပေမယ့် အခြားလိုက်နာအပ်တဲ့ စည်းမျဉ်း၊ စည်းကမ်း၊ ကျင့်ဝတ်တွေနဲ့ အခါအားလျှော်စွာ ချမှတ်တဲ့ အမိန့်ထုတ်ပြန်ချက်တွေကိုတော့ ကာလဒေသနဲ့အညီ လိုအပ်ရင်လိုအပ်သလို အလျှော့အတင်း လုပ်ပေးနိုင်ဖို့လိုပါတယ်။ ဖြစ်နေတဲ့အခြေအနေနဲ့ အချိန်အခါတွေကို အကောင်းဆုံး သုံးသပ်ပြီး လုပ်သင့်တာတစ်ခုကို ရဲရဲဝံ့ဝံ့လုပ်လိုက်ရတော့မယ့်အခါမှာ စည်းတွေ၊ ဘောင်တွေက ကိုယ့်ကိုပြန်လည်ချုပ်နှောင် နေတာမျိုးတွေ ခဏခဏဖြစ်တတ်ပါတယ်။ အဲဒီလိုအချိန်မျိုးမှာ ကိုယ့်ရဲ့ စိတ်နှလုံးက သန့်စင်မှုရှိ မရှိ ဆိုတဲ့အချက်က အဓိကကျသွားပါတယ်။ ဗုဒ္ဓမြတ်စွာဘုရားရဲ့ အထက်ပါဖြစ်ရပ်ကို လေ့လာကြည့်မယ်ဆိုရင် သာသနာတော်ကြီး အဓွန့်ရှည်တည်တံ့ဖို့အတွက် မိမိကိုယ်တိုင်ချမှတ်ခဲ့တဲ့ ပညတ်ချက်တွေကိုတောင် မငဲ့ကွက်ပဲ အမြဲမပျက်ပြင်ဆင်ဖြည့်စွက်နေတယ်ဆိုတဲ့ အချက်က ထင်ရှားပါတယ်။ လူ့အဖွဲ့အစည်းတစ်ခုမှာလည်း ခေါင်းဆောင်တွေအနေနဲ့ အခြေအနေအရပ်ရပ်ကို စနစ်တကျ ကိုင်တွယ်ဖြေရှင်းနိုင်ဖို့အတွက် မိမိရဲ့စိတ်ထဲက အယူဝါဒစွဲ၊ ပုဂ္ဂိုလ်စွဲ၊ ငါစွဲ၊ အတ္တစွဲတွေကို ဖယ်ထားနိုင်ဖို့နဲ့ မိမိရဲ့စိတ်ကို ဒီလူ့အဖွဲ့အစည်းရဲ့ တိုးတက်အောင်မြင်မှု တစ်ခုတည်းကိုပဲ ရှေးရှုထားနိုင်ဖို့ ကြိုးစားကြရ ပါလိမ့်မယ်။ ဒီနေရာမှာ တစ်ခုသတိထားရမှာက သူက ငါ့အမျိုးမို့လို့၊ သူကငါ့အပေါ်ကျေးဇူးရှိလို့၊ သူကငါနဲ့ရင်းနှီးလို့ စတဲ့ လူမှုရေးဆိုင်ရာခင်မင်မှုတွေအတွက် စည်းမျဉ်း၊ စည်းကမ်း၊ ကျင့်ဝတ်၊ ဥပဒေတွေကို လိုသလို အတင်းအလျှော့ လုပ်နေတာမျိုးဖြစ်မနေဖို့ပါ။

ဗုဒ္ဓမြတ်စွာဘုရား ဘုရားဖြစ်ပြီး ၉၀ါမြောက်အချိန်မှာ မြတ်စွာဘုရားကိုယ်တော်တိုင်က

`` ရဟန်းသံဃာသည် သင်းကွဲခဲ့လေပြီတကား၊ ရဟန်းသံဃာသည် သင်းကွဲခဲ့လေပြီတကား။´´

ဟု နှစ်ကြိမ်တိုင်တိုင်ရေရွတ်တော်မူခဲ့ရတဲ့ အရေးကိစ္စတစ်ခုဖြစ်ပွားခဲ့ပါတယ်။ သုတ္တန်ဆောင်ပုဂ္ဂိုလ်ရဟန်းတစ်ပါး ကုဋီတက်ရာမှာ ရေဆေးခွက်ထဲကရေကို ကုန်အောင်မသုံးမိပဲ ရေကျန်ထားခဲ့တာကို ၀ိနည်းဆောင်ပုဂ္ဂိုလ်ရဟန်းက အာပတ်သင့် တယ်လို့အဆိုပြုရာကနေ စခဲ့တဲ့ ပြဿနာဖြစ်ပါတယ်။ တစ်ဘက်နဲ့တစ်ဘက် သူမှားတယ်၊ ငါမှန်တယ် ဝေဖန်ပြောဆိုကြရင်း ရဟန်းပရိသတ်အသီးသီး စုဆောင်းကြရာကနေ ၀စီကံမြောက်၊ ကာယကံမြောက် ခိုက်ရန်ဒေါသဖြစ်ကြတဲ့ အဆင့်အထိကို ရောက်ခဲ့ကြပါတယ်။ နောက်ဆုံး ဒေါသမာနတွေ ဖုံးလွှမ်းနေကြတဲ့ သံဃာတွေကို စကားအရာနဲ့ ဘယ်လိုမှ ပြောဆိုဆုံးမလို့ မရတော့တာကြောင့် ဗုဒ္ဓဘုရားရှင်ဟာ ဘယ်သူ့ကိုမှ အသိမပေးဘဲ သင်္ကန်းပရိက္ခရာ အစုံအလင်နဲ့ တစ်ပါးတည်း ထွက်ခွာတော်မူသွားခဲ့ပါတယ်။ အဲဒီလို ဘုရားရှင်ကို ထွက်ခွာသွားအောင်ပြုခဲ့ကြတဲ့ ရဟန်းတွေကို တကာ၊ တကာမတွေက ခရီးဦးကြိုမှုမပြုတော့ခြင်း၊ ရိုသေလေးမြတ်မှုမပြုတော့ခြင်း၊ ဆွမ်းလောင်းလှူမှုမပြုတော့ခြင်း စတဲ့အပြုအမူတွေနဲ့ ပြန်လည် ဒဏ်ခတ်ခဲ့ကြပါတယ်။ နောက်ဆုံးမှာတော့ ရဟန်းတွေလည်း သတိသံဝေဂ ရသွားကြပြီး ဘုရားရှင်ကို ပြန်လည်ပင့်ဆောင် ပေးဖို့ အရှင်အာနန္ဒာ ကို လျှောက်ထားတောင်းပန်ကြရပါတော့တယ်။ အဲဒီမှာ အရှင်အာနန္ဒာလဲ ဘုရားရှင်ကိုပြန်လည် ပင့်ဆောင်ဖို့အတွက် အဖော်ရဟန်းတွေနဲ့ အတူ ပါလိလေယျက တောအုပ်ကို ထွက်ခွာလာခဲ့ပါတယ်။ ပါလိလေယျတောအုပ်မှာ မြတ်စွာဘုရားက အရှင်အာနန္ဒာနဲ့ အဖော်ရဟန်းတွေကို အောက်ပါအတိုင်း ဟောကြားတော်မူခဲ့ပါတယ်။

``ရဟန်းတို့ ... အဖော်မမှီး တစ်ကိုယ်တည်းနေခြင်းသည်မြတ်၏။ လူမိုက်အပေါင်း ထောင်သောင်းမကရှိသော်လည်း ပေါင်းသင်း ထိုက်သူတစ်ယောက်မျှမရှိပေ။ နက်လှစွာသော တောကြီးအလယ်၌ စွယ်စုံဆင်ပြောင်ကြီးသည် စိတ်လွတ်ကိုယ်လွတ်ကျက်စားနေဘိသကဲ့သို့ အဖော်မမှီး တစ်ပါးတည်းနေရာ၏။ မပြုထိုက်သော ဒုစရိုက်အမှုများကိုလည်း မိမိစိတ်ကို ပြုချင်လာအောင် သွေးဆောင်နှိုးဆော်မှု မပြုသော အားဖြင့် ရှောင်ကြဉ်ရာ၏။ ´´
လောကလူ့အဖွဲ့အစည်းမှာလည်း တခါတခါ အဲဒီလိုအဖြစ်မျိုးတွေ ကြုံရနိုင်ပါတယ်။ ကိုယ့်ရဲ့ပတ်ဝန်းကျင်နဲ့ ကိုယ့်ရဲ့အဖွဲ့အစည်း အ၀န်းအ၀ိုင်းအတွင်းမှာ လူဆိုးလူမိုက်တွေ ထောင်သောင်းမကရှိနေပြီး ပေါင်းသင်းထိုက်သူ တစ်ဦးတစ်ယောက်မှ မရှိဘဲ ကိုယ်ကလည်း ဘယ်လိုမှ နားချဖျောင်းဖြပေးလို့ မရနိုင်တော့တာသေချာရင် အဲဒီ့အရပ်ကနေ အနှေးနဲ့ အမြန်စွန့်ခွာကျောခိုင်းဖို့ပဲ စဉ်းစားကြရမှာ ဖြစ်ပါတယ်။ ကိုယ့်စိတ်ကို မကောင်းမှုတွေက သွေးဆောင်နှိုးဆော် လာခြင်း မဖြစ်ရအောင် ဝေးဝေးကရှောင်ကြဉ်သင့်ပါတယ်။ နောက်ပြီး မကောင်းမှုပြုသူ တွေကို ဘယ်လိုမှပြောဆိုဆုံးမလို့ မရတော့တဲ့အခါ ဥပေက္ခာတရားနဲ့ လူ့အဖွဲ့အစည်းထဲကနေ တညီတညွတ်တည်း ခဏတာဖယ်ထုတ်ထား လိုက်ခြင်းဟာ သူတို့ကိုပေးနိုင်တဲ့ အကောင်းဆုံးသင်ခန်းစာတစ်ခုပါပဲ။

နောက်ပိုင်းမှာ အဆိုပါရဟန်းတွေက သူတို့ရဲ့အမှားကို ဆင်ခြင်သိမြင်ကြပြီး ၀န်ချတောင်းပန်တဲ့အခါမှာ ဗုဒ္ဓက ကရုဏာတော်မပျက်ဘဲ ခွင့်လွှတ်တော်မူခဲ့ပါတယ်။ ဒီအချက်ဟာလည်း အဖွဲ့အစည်းတစ်ခုအတွက် အရမ်းအရေးကြီးတဲ့ လိုအပ်ချက်တစ်ခုပါပဲ။ အမှားပြင်ဆင်ခွင့်နဲ့ နောက်ထပ်တစ်ခါ ထပ်ကြိုးစားပိုင်ခွင့်တွေဟာ အမှားမကင်းနိုင်တဲ့ လူသားတွေနေတဲ့ လူ့အဖွဲ့အစည်းတစ်ခုအတွက် မရှိမဖြစ်ကိုလိုအပ်ပါတယ်။ `မမှားသောရှေ့နေ၊ မသေသောဆေးသမား´ ဆိုတဲ့ စကားအတိုင်းပါပဲ ... မှားမိခြင်းဟာ ပြုပြင်လို့မရနိုင်တဲ့ အပြစ်အနာအဆာမဟုတ်ပါဘူး။ မှားယွင်းမှုတွေမှာ သာယာပြီး ပြင်ဆင်ဖို့စိတ်ကူး မရှိတော့တာမျိုးကသာ လူ့အဖွဲ့အစည်းတစ်ခုအနေနဲ့ ခွင့်မပြုသင့်တဲ့ အနေအထားတစ်ခု ဖြစ်ပါတယ်။

ဗုဒ္ဓမြတ်စွာဘုရားဟာ ၄၅၀ါပတ်လုံး သာသနာ့ရောင်စဉ်ကို အစဉ်ထွန်းလင်းစေမယ့် သံဃာ့အဖွဲ့အစည်းကြီးတစ်ခုကို အောင်အောင်မြင်မြင်နဲ့ ဖွဲ့စည်းအုပ်ချုပ်ပျိုးထောင်တော်မူနိုင်ခဲ့ပါတယ်။ မူဝါဒတွေ၊ ပညတ်ချက်တွေ၊ သိက္ခာပုဒ်တွေ၊ ပြုဖွယ်ဝတ္တရားတွေစတဲ့ အမျိုးမျိုးသော စည်းအကွပ်တွေနဲ့ သံဃာ့အဖွဲ့အစည်းကြီးတစ်ခုလုံးကို စုစည်းကျစ်လျစ်နေအောင် ခေါင်းဆောင်တော်မူနိုင်ခဲ့ပါတယ်။ သံဃာတော်တွေ အချင်းချင်းရဲ့ ဆက်ဆံရေးကို တစ်လမ်းသွားစနစ်မဟုတ်ပဲ အကြီးနဲ့အငယ်၊ အထက်နဲ့အောက် အပြန်အလှန်ကူညီရိုင်းပင်း ကြတဲ့ မိသားစုစိတ်ဓာတ်အသွင်ဖြစ်နေအောင် သွန်သင်လမ်းပြ ဆုံးမတော်မူနိုင် ခဲ့ပါတယ်။ ကျွန်တော်တို့ လောကီလူသားတွေအားလုံးလဲ ဗုဒ္ဓမြတ်စွာဘုရားရဲ့ စံပြခေါင်းဆောင်မှုစွမ်းရည်တွေကို စံနမူနာ ယူကြပြီး လူ့အဖွဲ့အစည်းကြီးတစ်ခုလုံးကို အကောင်းဆုံး ခေါင်းဆောင်မှုတွေ ပေးနိုင်ကြပါစေလို့ မျှော်လင့်ချက်ကြီးကြီးနဲ့ ဆုတောင်းနေမိပါတယ်။

စာကိုး။ ။ ၀ဏ္ဏသီရီရေးသားပြုစုသည့် ညီတော်အာနန္ဒာ၏
              တစ်သက်တာမှတ်တမ်းကို မှီးသည် ။
http://www.dhammaweb.net/notes/view.php?id=426

ဘုရားရှင်အလိုအတိုင်းရှင်ပြုနည်း

ဘုရားအလိုအတိုင်း ရှင်ပြုနည်း။

================
မြတ်စွာဘုရား ဘုရားဖြစ်ပြီး တစ်နှစ်လောက်အကြာမှာ မွေးရပ်ဇာတိဖြစ်တဲ့ ကပ္ပိလ၀တ်
နေပြည်တော်သို့ ကြွရောက်သီတင်းသုံး နေတော်မူပါတယ်။ တစ်နေ့တော့ ယသော်ဓရာမိဖုရာက
သားတော်ရာဟုလာကို ဘုရားရှင်ထံမှာ အမွေတောင်းခိုင်းပါတယ်။ သားတော်ရာဟုလာကလည်း
ကလေးဆိုတော့ ဘုရားထံသွားပြီး အမွေတောင်းပါတော့တယ်။ ဘုရားရှင်ကလည်း “ သာရိပုတ္တ
ရာ - ရာဟုလာကို ရှင်ပြုပေးလိုက်ပါ” လို့ စေခိုင်းတော်မူပါတယ်။ ရှင်သာရိပုတ္တရာ အရှင်မြတ်
ကြီးကလည်း တစ်ခါမှ ရှင်ပြုမပေးဖူးသေးတော့ မြတ်စွာဘုရားအား “မည်သို့ ရှင်ပြုပေးရမလဲ
ဘုရား ” လို့ မေးလျှောက်တော်မူပါတယ်။ ဘုရားရှင်က ရဟန်းတွေကို စုဝေးစေပြီး “ ရဟန်းတို့
သရဏဂုံသုံးပါးနဲ့ ရှင်သာမဏေပြုပေးဖို့ ငါဘုရား ခွင့်ပြုတော်မူတယ် ” လို့ မိန့်တော်မူပါတယ်။
ပြီးတော့ ရှင်ပြုပေးရမယ့် နည်းလမ်းကိုလည်း မိန့်တော်မူပါတယ်။
၁။ ရှင်လောင်း၏ ဆံပင်မုတ်ဆိတ်များကို ရိတ်ပယ်ပေးပါ။
၂။ ဖန်ရည်ဆိုးတဲ့ အ၀တ်သင်္ကန်းကို ၀တ်ရုံစေပါ။
၃။ အပေါ်ရုံသင်္ကန်း(ဧကသီ)ကို လက်ဝဲပုခုံးပေါ် တင်ခိုင်းပြီး ရဟန်းတို့ရဲ့ ခြေတို့ကို ရှိခိုးဦး
တိုက်စေ၍ ဆောင့်ကြောင့်ထိုင်ခိုင်းပါ။
၎။ ပြီးရင် လက်အုပ်ချီခိုင်းကာ “ ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ၊ ”
သရဏဂုံ သုံးပါးကို ရွတ်ဆိုစေပါ။
ဘုရားရှင်က သားတော်ရာဟုလာကို အဲဒီအတိုင်းရှင်ပြုခိုင်းပါတယ်။ ဒါက နတ်ပြမယ်၊ မြို့ထဲလှည့်မယ်၊ ပွဲငှားကြမယ်တို့ မပါဝင်တဲ့ ဘုရားအလိုအတိုင်း ရှင်ပြုနည်းဖြစ်ပါတယ်။
{ မြင့်ရွှေ(ပေါင်းတည်) ၏ ရှင်ပြု ရဟန်းခံ မှ ကောက်နုတ်ရေးသား ပူဇော်ပါသည်။ }

ဦးသိန်းဝေ။
http://www.facebook.com/damanadi.tk
http://www.damanady.tk/ (ဓမ္မနဒီ)တွင်လည်း ဖတ်ရှုနိုင်ပါသည်။

ဦးနုပြောသောစကားတစ်ခွန်း

ဦးနုပြောသော စကားတခွန်း

______________________

ပိုက်ဆံကို ထမင်းတလုတ်မှန်မှန် စားသွားနိုင်အောင်ရှာ၊ သူ့ ကိုရှာရတာချည်းနဲ့ ပဲအချိန်ကုန်
မသွားပါစေနဲ့ ။ နေ့ စဉ်လုပ်နေကျ ကုသိုလ်ဝတ်ကိုတော့မပျက်ရအောင်နေ့ စဉ်ဆောင်ရွက်သွား
ရမယ်။ (ဦးနု -ကာမတဏှာဝတ္ထုမှ)

ရုပ်ဝတ္ထုလွမ်းမိုးသော ခေတ်မှာ လူသားအားလုံး ခေတ်မီမီ အသုံးဆောင် သူထက်ငါသုံးစွဲနိုင်ဖို့ 
မော်နိုင်ကြွားနိုင်ဖို့ မမောနိုင် မပန်းနိုင်ပိုက်ဆံရှာနေကြသည်။ ပင်ပန်းသည်ဟုစိတ်ဝယ်မထင်။
အလိုမပြည့်နိုင်သော အလိုများကိုတခုပြီးတခုဖြည့်ဆည်းနေကြသည်ဟုပြောလျှင်မည်သူငြင်း မည်နည်း။
လူသား၏ စိတ်အလိုသည် ဘယ်တော့မှပြည့်နိုင်မည်မဟုတ်ဟု မြတ်ဗုဒ္ဓကိုယ်တိုင်ပင်
ဟောကြားခဲ့ပြီးဖြစ်သည်။ လူ့ အလိုနတ်မလိုက်နိုင်…စကားပုံပင်တွင်ခဲ့သည်မဟုတ်လော။
ကျန်ုပ်တိုင်တိုင်ပင် အလိုဆန္ဒမပြည့်နိုင်သော ဆန္ဒများကိုဖြည့်ချင်နေမိသည်။ နောက်ဆုံးပေါ်
ဘာပစ္စည်းဖြင့်ပေါ်လာပြီးဟု သတင်းဖတ်လိုက်ရ သိလိုက်ရလျှင်လိုချင်မိ၊ အသုံးပြုချင်မိသည်။
ဝယ်ချင်မိသည်။ နောက်ထပ် ဒီထက်ကောင်းသည်ဟုထင်ရသောအရာများပေါ်လာတိုင်း
မိမိ တို့ အားလုံးလိုချင်ကြသည်။ လိုချင်မူသည် ရှာဖွေခြင်းဒုက္ခကိုဖြစ်စေသည်။

ပရိယေသနဒုက္ခသည် လိုချင်မူလောဘကြောင့်ဖြစ်ရသည်။ ရှာဖွေ၍ရလာသောပစ္စည်းကို
ထိန်းသိမ်းစောင့်ရှောက်ခြင်း ဒုက္ခထပ်၍ ပေါ်လာပြန်သည်။ ထိန်းသိမ်းနေရင်းမှ မိမိပစ္စည်း
ပျောက်ရှ ပျက်စီးသွားလျှင် ထပ်ကာပင်စိတ်၏ ပင်ပန်းခြင်း၊ ၀မ်းနည်းခြင်း၊ နှမြောတသဖြစ်
ခြင်း သောက၊ ပရိဒ၀၊ ဥပါယာသဒုက္ခများ တသီတတန်းကြီးပေါ်လာပေသည်။ ဘယ်လိုပင်
ခေတ်မီသောနည်းပညာဖြင့် တီထွင်ဖန်တီထားစေကာမူ ထိုနောက်ဆုံးပေါ် ရုပ်ဝတ္ထုမှန်သမျှ
သည်၊မိမိတို့ မနားမနေရှာဖွေကာ ငါသာလျှင် သုံးစွဲနိုင်သည်ဟုထင်ရသော ရုပ်ဝတ္ထုမှန်သမျှ
သည် ယံကိဉ္စိ သမုဒယဓမ္မံ၊ သဗ္ဗံ တံ နိရောဓဓမ္မ န္တိ- ဖြစ်ပေါ်လာသော သက်ရှိသက်မဲ့မှန်သမျှ
သည် ချုပ်ပျောက်ခြင်းသဘောတရားသာဖြစ်သည်။ သဗ္ဗေ၀ နိက္ခိပိဿန္တိ၊ ဘူတာ လောကေ
သမုဿယံ- လောက၌ ဖြစ်ပေါ်လာ သော ရုပ်နာမ်မှန်သမျှ စွန့် ပစ်ခဲ့ရချည်းသာတည်း။
အနိစ္စာ ၀တ သင်္ခါရာ၊ ဥပ္ပါဒါဝယဓမ္မိနော- ပြုပြင်၍ရကောင်းသော
သက်ရှိသက်မဲ့ ဒြပ်မှန်သမျှသည်၊ ဖြစ်ပေါ်လာခြင်း၊ ပျက်စီးသွားခြင်း
သဘောရှိခြင်းကြောင့် မတည်မြဲခြင်းသဘောရှိကုန်၏။
ဥပ္ပဇ္ဇိတွာ နိရုဇ္ဈန္တိ- ဖြစ်ပေါ်ပြီး၍ ချုပ်ပျက်ခြင်းသို့ သာရောက်ရှိကုန်၏။
ဟု မြတ်ဗုဒ္ဓဟောထားတော်မူသောကြောင့် ပြုပြင်ဖန်တီးထားသော
သင်္ခါရသဘောနယ် ပျက်ဆီးခြင်းသို့ သာရောက်ကြရှာ လေသည်။
ထို့ ထိုသိုသောအကြောင်းအရာကိုမြင်၍ ပင်ဖြစ်မည် ပိုက်ဆံကို ထမင်းတလုပ်မှန်မှန်
စားနိုင်ယုံသာရှာပါ။ ပိုက်ဆံကိုရှာရတာချည်းနှင့် အချိန်မကုန်သွားပါစေနဲ့ ။
နေ့ စဉ်မိမိလုပ်နေကကုသိုလ်ဝတ်ကို ပုံမှန်ပြုလုပ်ရန့် ဟုတိုက်တွန်းခြင်းခြင်းဖြစ်ပေမည်။
လက်တွေ့ ကျင့်သုံးနိုင်ကြပါစေ။ သီတဂူစန်းလမာ ချမ်းမြသာယာရှိပါစေ။

Posted by အရှင်နာယကာလင်္ကာရ at 1/22/2008
http://www.dhammaweb.net/notes/view.php?id=26

ဓမ္မလက်ဆောင်

အနိစ္စေ ဒုက္ခသညာ

အနိစ္စေ ဒုက္ခသညာ
_____________
by ;  ဖားအောက်တောရဆရာတော်ဘုရားကြီး

           မိမိရဲ့ စိတ်ကလေးကို မိမိနူးညံ့သွားအောင် ပျော့ပျောင်းသွားအောင် ဆိုဆုံးမနေ
တဲ့ လုပ်ငန်းခွင်တွေ ဖြစ်ပါတယ်။ အနိစ္စသညာကို ကြိမ်ဖန်များစွာ လေ့လာပြီးတဲ့
အခါ အနိစ္စဖြစ်တဲ့ ဒီခန္ဓာငါးပါးအပေါ်မှာ အနိစ္စသညာကို ပိုင်ပိုင်နိုင်နိုင် ထိုးထွင်း
သိမြင်ပြီးတဲ့အခါ ဒီအနိစ္စဖြစ်နေတဲ့ ခန္ဓာငါးပါးတို့ရဲ့ ဖြစ်ခြင်းပျက်ခြင်း ဒဏ်ချက်ဖြင့်
လည်းကောင်း, ပျက်ခြင်းဒဏ်ချက်ဖြင့်လည်းကောင်း အမြဲမပြတ် အညှဉ်းဆဲအနှိပ်
စက်ခံနေရသည့်အတွက် ဒုက္ခဖြစ်ပုံအခြင်းအရာကို ၀ိပဿနာဥာဏ်ဖြင့် မြင်အောင်
ကြည့်ကာ ဒုက္ခသညာကို ဆက်ပြီးပွားရတယ်။ ပွားလိုက်တဲ့အချိန်အခါမှာ ဘာဖြစ်
လာသလဲ? မိမိကိုအသေသတ်ဖို့ရန် သန်လျက်ကို မြှောက်ချီကာမိုးထားတဲ့ လူ
သတ်သမားအပေါ်မှာ ကြောက်ရွံ့ထိတ်လန့်နေတဲ့ အမှတ်သညာသည် ရှေးရှုတည်
လာသလိုပဲဒီခန္ဓာငါးပါးတို့အပေါ်၌ ကြောက်ရွံ့နေတဲ့ အမှတ်သညာ = ဘယသညာ
သည် ရှေးရှုတည်လာမယ်။ ဒီလို ခန္ဓာငါးပါးအပေါ်မှာ ကြောက်ရွံ့နေတဲ့အမှတ်သ
ညာက ဘာလုပ်မလဲ? ဘာဝနာကို ပွားများအားထုတ်ဖို့ရန်အတွက် ပျင်းရိနေတဲ့
ဒီစိတ်ဓာတ်ကိုလည်း တိုက်ဖျက်ပေးမယ်။ ]တပည့်တော်လည်း ကြိုးစားပါဦး
မယ်ဘုရား}ဆိုပြီး အိမ်ပြန်ပြန်သွားတတ်တဲ့ စိတ်ထားမျိုးကို ဖယ်ရှားပေးနိုင်တယ်။
နောက်တစ်ခု - ကောသဇ္ဇေ = ပေါ့ဆတယ်။ တွန့်ဆုတ်နေတယ်။ ဘာဝနာလုပ်
ငန်းခွင်ကို လေးလေးနက်နက် အားမထုတ်ဘူး။ ပေါ့ပေါ့ဆဆလေး အားထုတ်
တယ်။ တွန့်ဆုတ်တွန့်ဆုတ်နဲ့ စိတ်မပါ့တပါ အားထုတ်နေတယ်။ ဒီလို စိတ်ထား
တွေကိုလည်း ဒီဒုက္ခသညာက တိုက်ဖျက်ပေးမယ်။

နောက်တစ်ခု ဘာဝနာလုပ်ငန်းခွင်မှာ ရဲရဲရင့်ရင့်နဲ့ တကယ် ထက်ထက်မြက်မြက်
ဖြစ်အောင်မကြိုးစားချင်တဲ့ စိတ်ထားရှိတယ်။ အဲဒီစိတ်ထားကိုလည်းဒီဒုက္ခသညာ
က တိုက်ဖျက်ပေးလိမ့်မယ်။ ဘာဝနာလုပ်ငန်းခွင်ကို မေ့မေ့လျော့လျော့နဲ့နေထိုင်
တယ်။ တရားကို သွားလည်း ရှုနေပါ။ ရပ်လည်း ရှုနေပါ။ ထိုင်လည်း ရှုနေပါ။
အိပ်နေလည်း ရှုနေပါ။ ဒီလိုတော့ သင်ပေးလိုက်တယ်။ ဒါပေမဲ့လို့ ရှုဖြစ်တဲ့အခါ
လည်း ရှိတယ်။ မရှုဖြစ်တဲ့အခါလည်း ရှိနေတယ်။ ဒါက မေ့လျော့မှု = ပမာဒလို့
ခေါ်ပါတယ်။ အဲဒီ မေ့လျော့မှု = ပမာဒဆိုတဲ့သဘောတရားကိုလည်း ဒီဒုက္ခ
သညာက တိုက်ဖျက်ပေးနိုင်ပါတယ်။

နောက်တစ်ခု - တစ်ခါတလေကျတော့လည်း ကာမဂုဏ်တွေမှာမွေ့လျော်နေတဲ့
စိတ်ဓာတ်တွေက လွှမ်းမိုးလာပြီဆိုလို့ရှိလျှင်တော့ ဘာဝနာကို အားမထုတ်ဘဲ
သော်လည်း နေချင်နေမယ်။ အနနုယောဂလို့ ခေါ်ဆိုပါတယ်။ အဲဒီလို အားမ
ထုတ်ဘဲနေတဲ့ စိတ်ဓာတ်ကိုလည်း ဒီဒုက္ခသညာက တိုက်ဖျက်ပေးလိမ့်မယ်။

တစ်ခါတစ်ရံ အနိစ္စလို့ ရှုပါဆိုပြီး သင်ပေးလိုက်သော်လည်း အနိစ္စလို့ မဆင်ခြင်မိ
ဘူး။ ဒုက္ခလို့ ရှုပါပြောလည်း ဒုက္ခလို့ မဆင်ခြင်မိဘူး။ အပေစ္စဝေကဏာလို့ ခေါ်ဆို
ပါတယ်။ မဆင်ခြင်မိတဲ့ ဒီစိတ်ဓာတ်ကိုလည်း စွမ်းအင်ပြည့်ဝလာတဲ့ ဒီဒုက္ခသညာ
က တိုက်ဖျက်ပေးပါလိမ့်မယ်။

အကယ်၍ အနိစ္စသညာ ဒုက္ခသညာတွေကို ခပ်များများ ပွားများနေထိုင်ခဲ့မယ်ဆို
လျှင် အနိစ္စဖြစ်တဲ့ ခန္ဓာငါးပါးအပေါ်မှာ ဒုက္ခသညာဖြင့်, မိမိရဲ့စိတ်ဓာတ်ကို ဒုက္ခ
သညာ ဘာဝနာစွမ်းအင်ဖြင့် ထုံမွမ်းထားလိုက်လျှင် အကြောင်းတရားနှင့်တကွ
သောခန္ဓာငါးပါးဆိုတဲ့ ဒီသင်္ခါရတရားတွေအပေါ်မှာ ထက်မြက်စူးရှတဲ့ ကြောက်ရွံ့
မှု ဘယသညာဟာလည်း ရှေးရှုတည်လာပါလိမ့်မယ်။ မိမိကို အသေသတ်ဖို့ သန်
လျက်မိုးကာ စောင့်နေတဲ့ လူသတ်သမား အပေါ်မှာ ကြောက်ရွံ့တုန်လှုပ်သလို
ကာလသုံးပါး သန္တာန်နှစ်ပါးအတွင်းမှာ တည်ရှိကြတဲ့ သင်္ခါရတရားတွေ အပေါ်မှာ
ကြောက်လန့်တဲ့ ဘယသညာဟာလည်း ရှေးရှုတည်လာမှာ ဖြစ်ပါတယ်။

အကယ်၍ အနိစ္စဖြစ်တဲ့ ခန္ဓာငါးပါးတို့အပေါ်မှာ ဒုက္ခသညာကိုကြိမ်ဖန်များစွာ
အထပ်ထပ်အခါခါ ပွားများပေမဲ့လို့ ကမ္မဋ္ဌာန်းလုပ်ငန်းခွင်၌ ပျင်းရိမှု, စိတ်ဓာတ်
တွန့်ဆုတ်မှု, ကမ္မဋ္ဌာန်းကို အားမထုတ်ဘဲ စွန့်လွှတ်ထားမှု, ကမ္မဋ္ဌာန်းကို မေ့
လျော့နေမှု, ကမ္မဋ္ဌာန်းကို အားမထုတ်ဘဲ နေထိုင်မှု, ကမ္မဋ္ဌာန်းကို မဆင်ခြင်မိမှု
ဆိုတဲ့ ဆန့်ကျင်ဘက်သဘောတရားတွေက အားကောင်းနေတဲ့အတွက် သင်္ခါရ
တရားတွေအပေါ်မှာ ကြောက်လန့်တဲ့ ဘယသညာဟာလည်း ရှေးရှုမတည်
လာဘူးဆိုလျှင် ဆန့်ကျင်ဘက် သဘောတရားတွေကို တိုက်ဖျက်နိုင်တဲ့ စွမ်းအင်
တွေ မရှိသေးဘူးဆိုလျှင်တော့ မိမိရဲ့ဒုက္ခသညာဘာဝနာလုပ်ငန်းခွင်သည် အရှိန်
အ၀ါ အားမကောင်းသေးဘူး။ တိုက်ဖျက်နိုင်ပြီဆိုလို့ရှိလျှင်တော့ အရှိန်အ၀ါသိပ်
အားကောင်းပြီ။ အားကောင်းတဲ့အဆင့်အထိ ကျင့်ကြံကြိုးကုတ် ပွားများအား
ထုတ်ထားမယ်ဆိုလျှင်ဒီဒုက္ခသညာက မသေရာ အမြိုက်နိဗ္ဗာန်လျှင် တည်ရာရှိတယ်။

ဖားအောက်တောရဆရာတော်ဘုရားကြီး

တောက်ခေါက်သံ ၁၀ ချက်

တောက်ခေါက်သံ { ၁၀ } ချက်
____________________

{ ၁ } ငယ်စဉ်ကလျှင် ပညာ သင်
မသင်နောင်တ တောက်ခေါက်ရ ။

{ ၂ } စီးပွားဥစ္စာ ရှာချိန်မှာ
မရှာနောင်တ. တောက်ခေါက်ရ ။

{ ၃ } နှစ်ဦးချစ်ခြင်း. ဖြိုဖျက်ခွင်း
မယွင်းနောင်တ. တောက်ခေါက်ရ ။

{ ၄ } သတ်ပုတ်ညှင်းဆဲ. ထိုသူလဲ
မလွဲနောင်တ. တောက်ခေါက်ရ ။

{ ၅ } သူ့ကြင်မယား လွန်ပြစ်မှား
ကြီးမားနောင်တ. တောက်ခေါက်ရ ။

{ ၆ } ဥစ္စာပေါသူ မပေးလှူ
ထိုသူနောင်တ တောက်ခေါက်ရ ။

{ ၇ } မိဘကိုပင် မကြွေးချင်
သေလျှင်နောင်တ. တောက်ခေါက်ရ ။

{ ၈ } မိဘစကား ပစ်ပယ်ရှား.
ကြီးမားနောင်တ. တောက်ခေါက်ရ ။

{ ၉ } သူကောင်းကျမ်းတတ် မဆည်းကပ် မှတ်လေနောင်တ. တောက်ခေါက်ရ ။

{ ၁၀ } ကုသိုလ်ကောင်းမှု. ဘာတစ်ခု
မပြုနောင်တ တောက်ခေါက်ရ ။

** တောက်ခေါက်ခြင်း { ၁၀ } ပါးမှ ..
တောက်လျှောက်ကင်းဝေးကြပါစေ ။

- ကြည်လင်သော မေတ္တာဓာတ်ဖြင့် ..
   ဦးကျော်ကျော်စိုး
Myanmar News Update

စရိယသုံးပါး

စရိယသုံးပါး

(၁) လောကတ္ထစရိယာ (လောကအားလုံးရှိ ကမ္ဘာသူကမ္ဘာသားအားလုံး၏ အကျိုးကို ဖြည့်ဆည်းခြင်း။)
စရိယာဆိုတာကျင့်စဉ်ပါ။ ဗုဒ္မဟာ မိမိကိုယ်တိုင် ကျင့်စဉ်၃ပါးကိုလည်း  အားထုတ်ကျင့်ကြံခဲ့ သူဖြစ်ပါတယ်။  တိုင်းပြည် အုပ်ချုပ်မင်းလုပ်သူတို့ မှာ ခေါင်းဆောင်ကောင်းလက္ခဏာနှင့်ပြည့်စုံဖို့ လိုအပ်ကြောင်းကို  လောကတ္ထစရိယာ  ဆိုတဲ့  ကျင့်စဉ်အကြောင်းခုလို ပုံပြပြောဆိုခဲ့ ဖူးတယ်။
ရှေး ရှေး ဘ၀ပေါင်းများစွာက ဘ၀တခုမှာ  ငါသည် ဗာရာဏသီမင်းကြီး၏့ သားတော်တပါးဖြစ်ခဲ့ တယ်လို့့အစချီပြီးပြောပြခဲ့  ရာမှာ ..  ခမည်းတော်မင်းကြီး၏် နတ်ကိုးကွယ်မှု အယူဝါဒကို ငါ အိမ်ရှေ့မင်းသားလေးသည် မနှစ်မျို့ ဘူး။အမြဲ  စက်ဆုတ်ရွံရှာခဲ့  တယ်။တဲ့ ။  ခမည်းတော်ဘုရင်ကြီးက  သတ္တ၀ါတွေရဲ့   အသက်ပေါင်းများစွာကိုစုစည်း သတ်ဖြတ်ပြီးမှ ယစ်နတ်ပူဇော်ခြင်းပြုလုပ်တာကိုး။   ခမည်းတော်ရဲ့  အယူဝါဒကို နှစ်သက်လက်ခံခြင်းမရှိတဲ့  ငါဟာ  ငါဘုရင်ဖြစ်ရင် ဒီကိုးကွယ်မှုကို ချက်ခြင်း ချိုးနှိမ်ဖျက်ဆီးပြစ်မယ်ဆိုတဲ့  အသိတရားကို စွဲစွဲမြဲမြဲတေးမှတ်ထားခဲ့ တယ်။

ဒါကြောင့် ငါဟာ   ဥပါယ်တမည်နဲ့  မကြာခဏ ညောင်ပင် ကြီးတပင်မှာ ပန်းနံ့ သာ သွန်းလောင်းပြီး နတ်ကိုးချင်ဟန် ဆောင်တယ်။ အတန်ကြာတော့ ခမည်းတော် နတ်ရွာစံရော ဆိုပါတော့ ။ တနေ့  မူးမတ်တွေကို ပြောတယ် ။ ငါ ဟာ ညောင်ပင်စောင့်နတ်မင်းထံမှာ ငါဘုရင်ဖြစ်ရင် သူ့အသက်သတ်ပြီး ယစ်ပူဖော်ခြင်းအမှု ပြုသူ။ သူ့ဥစ္စာခိုးသူ ၊ လိမ်လည်ပြောဆိုသူ ၊ သေရည်ကျူးသူ။အိမ်ယာပြစ်မှားသူစသည်  လူပေါင်းတထောင်၏သွေးနှင့် နတ်မင်းကို ပူဇော်ပါမယ်လို့  စကားရှိခဲ့ တယ် ထိုလူတထောင် ရအောင်စည်လည်ရှာကြလို့  အမိန့် ထုတ်ပြန်တာပေါ့ ။( စည်လည်ရှာတယ်ဆိုတာက  မောင်းထမ်းပြီး တိုင်းသူပြည်သား လူအများတို့ လေး….ဒူ  ဟူ  ..ဟူ… ဆိုပြီးလှည့်တာ)
အဲဒီလို လှည့်လည်ရှာဖွေရာမှာ တယောက်မှအသက်သတ်သူ  ထွက်မလာရဲကြဘူးနောင်အခါမှာလည်း သူတပါးအသက်သတ် ယစ်ပူဇော်ခြင်းအမှု တဦးတယောက်မှ မပြုရဲ ကြတော့ဘူး တဲ့ ။ အားလုံး လူ့ အသက်သွေးဖြင့် ယစ်နတ်ပူဇော်ခြင်းအမှုကိုဝေးစွာ  ရှောင်ကျဉ်ကုန်ကြတယ် ။ တတိုင်းတပြည်လုံး ကမ္ဘာသူကမ္ဘာသားအားလုံး  ကိုယ်ကျင့်တရားကောင်းမွန်ပြီး တိုင်းပြည်ဝပြောသာယာခဲ့ တယ် တဲ့ ။ ဒါဟာ တိုင်းသူပြည်သားတွေကို ဥပါယ်တမည်နဲ့  ညောင်စောင့်နတ်ကို ကိုးကွယ်ဟန်ပြုပီး မိမိလိုရာ သိမ်းသွင်းလိုက်ခြင်းပါဘဲ ။အယူမှားကို ပယ်ဖျက်စေခြင်းလဲဖြစ်တယ်။ သတ္တ၀ါအားလုံးရဲ့  အကျိုးကို မျှော်ကိုးပြီးအမျှော်အမြင်ရှိရှိ ပြုမူလိုက်တာမို့  လောကအားလုံး သတ္တ၀ါအားလုံးရဲ့  အကျိုးကို သည်ပိုးထမ်းရွက်ခြင်းမည်တယ်။ ဒါကို “ လောကတ္ထစရိယာ “  လောကအကျိုးကို သည်ပိုးဆောင်ရွက်ခြင်းခေါ်တယ်။ ဗုဒ္မဖြစ်စဉ်တော်တွေထဲ မှာ ဒီလိုမျိုး များစွာရှိပါသေးတယ်။
(၂) ညာတတ္ထစရိယာ (မျိုးနွယ်ကို စောင့်ရှောက်ခြင်း။)
မဟော်သဓာဇာတ်မှာ  ၀ိဒေဟရာဇ်မင်းကြီးနဲ့  ပဉ္စလစန္ဒီမင်းသမီးတို့ ကိုဥမင်လှိုဏ်ခေါင်းတွေထဲကနေ  ကယ်ထုတ်အပြီး ဘုရင်နှင့်အတူ ကိုယ်လွတ်ရုန်း  လိုက်ပါရှောင်တိမ်းခြင်းမရှိဘဲ   “ စစ်သည်အပေါင်း၏ဥသျှောင်ဖြစ်တဲ့ မဟော်သဓာ ဟာ ငယ်သားတွေနဲ့  သေအတူ ရှင်အတူ ရှိခဲ့ ပါတယ်။
ဘုရားလောင်း မျောက်မင်းဘ၀မှာ လည်း မျောက် ရှစ်သောင်းရဲ့  အသက်ကိုကိုယ်တော်တိုင်  အသေခံပြီး ကယ်တင်ခဲ့  ဖူးတယ်။အန္တရယ်ကို မမြင်တဲ့  မျောက်အကောင်ရှစ်သောင်းဟာ သရက်သီးတွေကို စားသုံးကြရာမှာ အရသာထူးကဲတဲ့  သရက်တွေကို ဖျက်ဆီးပြစ်ရမလားဆိုပြီး ဘုရင့် မူးမတ်စစ်သားတွေက မျောက်တွေကို သတ်ပြစ်ဖို့ လာကြတာကိုး။ ဂင်္ဂါမြစ်ကို ခုန်ကူးရမှ တဘက်ကမ်းရောက်မှာမို့ ဘုရားလောင်းမျောက်မင်းက ကျောခင်းပေးခဲ့ရတယ်။ ဘုရားလောင်းမျောက်မင်းရဲ့  ကျောကို နင်းပြီး ခုန်ခုန်ကူးရတာကြောင့်  မျောက်ရှစ်သောင်းရဲ့ ဒါဏ်နဲ့  ဘဲ မျောက်မင်းကွယ်လွန်ခဲ့  ပါတယ်။မျောက်ရှစ်သောင်းကတော့ လွတ်မြောက်သွားခဲ့ ပါတယ်။
ဒါဟာ မျိုးနွယ်ကို အသက်ပေး စောင့်ရှောက်ခြင်းဖြစ်လို့  “ ညာတတ္ထစရိယာ “ လို့  ခေါ်တယ်။ဒါဟာ ဥပမာ တခုပါ ။ဒီလို စောင့်ရှေက်မှုမျိုး အများကြီးရှိပါသေးတယ်။

၃ ဗုဒ္မတ္ထစရိယာ (ဗုဒ္မဖြစ်ရန် ကျင့်စဉ်များကို ကျင့်ကြံအားထုတ်ခြင်း)
ဗုဒ္မ ဘုရားဖြစ်ရန် ကျင့်စဉ်တွေက များလွန်းပါတယ် ။ ဘုရားဖြစ်ဖို့ ဆိုတာ မလွယ်ပါဘူး။၂၆သင်္ချေနှင့် ကမ္ဘာတသိန်းပါရမီ ဖြည့်ရတဲ့ ဘုရားလဲ ရှိတယ်။ လေးသင်္ချေနဲ့  ကမ္ဘာတသိန်းပါရမီဖြည့်ရတဲ့  ဘုရားလည်းရှိပါတယ်။ ဒါနပါရမီ။ ၀ီရိယပါရမီ။ခန္ဒီပါရမီ။ဥပက္ခာပါရမီစသည်  ပါရမီ အများအပြား ရှိပါသေးတယ်။ လူသာမန်တွေ ဖြည့်ဆည်းမရနိုင်တဲ့ ပါရမီပါ။ ဒါလဲ ပြောပြချင်သေးတာပါ။ တခြားဘုရားဟော ပုံပြင်တွေလဲ ပြောချင်သေးတာ။ ပြောချင်တာတွေ များလွန်းလို့  မပြောဖြစ်
ခဲ့ ပြန်ဘူး။ ဒီဘဒ္ဒကမ္ဘာမှာ ဘုရားငါးဆူပွင့်ရာ့ ဂေါတမဗုဒ္မဆိုရင် နောက်ဆုံးဘ၀မှာကို ၆နှစ် ထပ်မံကျင့်ကြံအားထုတ်ရပါတယ်။
 ဗုဒ္မဘာသာဆိုတာ အမြဲ ကျင့်ကြံအားထုတ်နေရတာမျိုးပါ။ ဆုတောင်းတိုင်းရတာမျိုး မဟုတ်ပါဘူး။ ဆုတောင်းခြင်းဟာ အထောက်အပံ့ပေးတာတော့ မှန်ပါတယ်။ အပြည့်အ၀ရနိုင်ဖို့ က ကျင့်စဉ်တွေကို အားကိုးရမှာပါဘဲ။ ဒါပေမဲ့  တကူးတက ကျင့်မှ ရယ်လို့  မဟုတ်ပါဘူး။ နေ့စဉ် လူမှု ၀တ္တရားတွေ ဆောင်ရွက်လုပ်ကိုင်ရင်းနဲ့  ဘုရားအကြိုက် ကောင်းတာလုပ်မကောင်းတာရှောင် ဆိုရင် ဘဲ တော်တော်လေးဖူလုံနေပါပြီ   ။

သြဝါဒမှတ်စု

စတုဂီရိတောင်လေးလုံးဆရာတော်ကြီး

(၁၀၈၈-၁၁၈၆)

သြဝါဒမှတ်စု
*****************************
အနိစ္စ ဒုက္ခ အနတ္တဟု ဝဇီဘေဒ ဖြစ်ကာမျှ(ရွတ်ကာမျှ) သည် မဟာပုည မဖြစ်တတ်ချေ။ အနိစ္စ စသည်ကို တပ်တပ်မြင်လျှင် နေ့စဉ် ရွှေကျောင်းတစ်ရာ-ငွေကျောင်းတစ်ရာ-ရွှေစေတီပေါင်း-၈၄၀၀၀ တည်ရသည်ထက် မြတ်ကြောင်း။
သမထ ဝိပဿနာ အားမထုတ်ဘဲ အာပတ်မသင့်ရုံ အကုသိုလ်မဖြစ်ရုံမျှနေသော ရဟန်းပျင်းအား ဓာတ်စာကိုမျှသာ ရှောင်ကြဉ်စားသုံး၍ ရောဂါပျောက်စေတတ်သည့် ဆေးကိုမမှီဝဲသော သူနာကဲ့သို့ ကိလေသာ နူနာကြီးမပျောက်နိုင်ကြောင်း။
အကြင်သူသည် လောကီစည်စိမ် လောကီချမ်းသာမျှကိုသာ တောင့်တ၍ လွန်ကဲစွာပင် ဒါန သီလကို အားထုတ်၏ လုံလပြု၏ ထိုသူသည် ကိုယ့်ကိုကိုယ် သံသရာဝဋ်ဒုက္ခ၌ ရောင်းစားပေါင်နှံသောသူမည်၏
ယထာဘူတဉာဏ်ဟူသော လောကီသစ္စာတော်ကိုမျှ မခံယူလျှင် အစိန္တေယျဘုရးသခင်၏ ရန်သူတော်အစစ်ဖြစ်သည်။ သာသနိက သမ္မာဒိဋ္ဌိအဖြစ်သို့မျှ မရောက်သောသူ ဖြစ်သောကြောင့် သမ္မာဒိဋ္ဌိပုဂ္ဂိုလ်မဟုတ်။

(ပ-၆၄-၆၀-၂၁၀-၂၉၆)
သတ္တဝါဟူသမျှ တရားရ ချမ်းမြသာာ ရှိပါစေ။
ဆရာတော် ဦးပညာဗလ facebook မှ ကူးယူပါသည် ။

ဘာဝနာအမြတ်ဆုံး ( မြန်မာပြန် )

ဘာ ၀ နာ အ မြ တ် ဆုံး
________________
အနာထပိဏ္ဍိက ကို ဘုရား ဒီလို ဟောတယ် ။
“ ရှေးတုန်းကပေါ့  အိမ့်ရှင်ရေ . . . .
ဝေလာမ မည်တဲ့ ဗြာဟ္မဏ ရှိခဲ့တယ် ။ သူ ဒီလို အလှူကြီး လှူတယ် ။
ငွေအပြည့် ရွှေခွက် ရှစ်သောင်းလေးထောင် လှူတယ် ၊
ရွှေအပြည့် ငွေခွက် ရှစ်သောင်းလေးထောင် လှူတယ် ၊
ရွှေတုံးအပြည့် ကြေးခွက် ရှစ်သောင်းလေးထောင် လှူတယ် ၊
ဆင် ရှစ်သောင်းလေးထောင် …………..
ရထား ရှစ်သောင်းလေးထောင် …………………
နို့စားနွားမ ရှစ်သောင်းလေးထောင် ………………..
မိန်းကလေး ရှစ်သောင်းလေးထောင် ………….
ပလ္လင် ရှစ်သောင်းလေးထောင် …………………..
အထည်စ ကုဋေကုဋာ . . . ထမင်း၊ ခဲဖွယ်၊ စားဖွယ်၊ လျက်ဖွယ်၊ သောက်ဖွယ်ကတော့ ဘယ်ပြောစရာ ရှိမလဲ ၊ မြစ်ရေ စီးသလို ထင်ရတယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အမြင်နဲ့ ပြည့်စုံသူ(သောတာပန်) တစ်ဦးကို ကျွေးခဲ့ရင်၊
ဒီထက်ပို အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အမြင်နဲ့ ပြည့်စုံသူ(သောတာပန်) တစ်ရာကို ကျွေးတာထက်
သကဒါဂါမ် တစ်ဦးကိုကျွေးခဲ့ရင် ၊ ဒီထက် အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ သကဒါဂါမ် တစ်ရာကို ကျွေးတာထက်၊ အနာဂါမ် တစ်ဦးကို
ကျွေးခဲ့ရင် ဒီထက်အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အနာဂါမ် တစ်ရာကို ကျွေးတာထက်၊ ရဟန္တာ တစ်ပါးကို
ကျွေးခဲ့ရင် ဒီထက်အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ရဟန္တာ တစ်ရာကို ကျွေးတာထက်၊ ပစ္စေကဗုဒ္ဓ တစ်ပါးကို
ကျွေးခဲ့ရင် ဒီထက်အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ပစ္စေကဗုဒ္ဓ တစ်ရာကို ကျွေးတာထက်၊ အရဟံ သမ္မာသမ္ဗုဒ္ဓတထာဂတ တစ်ပါးကို ကျွေးခဲ့ရင် ဒီထက်အကျိုးကြီးမယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်ရင် ၊ ဒီထက်အကျိုးကြီးတယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းရင်၊ ဒီထက်အကျိုးကြီးတယ် ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းတာထက်၊ နံ့သာကိုလက်နဲ့ ယူသလောက် (နွားနို့တစ်ညှစ်စာ) မေတ္တာစိတ်ကို ပွားများရင် ၊ ဒီထက်အကျိုးကြီးတယ် ။

ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းတာထက်၊ နံ့သာကိုလက်နဲ့ ယူသလောက် (နွားနို့တစ်ညှစ်စာ) မေတ္တာစိတ်ကို ပွားများတာထက်၊ လက်ဖျစ်တစ်တွက်လောက် မမြဲတဲ့ သဘောကို ပွားများရင် ။ ဒီထက်အကျိုးကြီးတယ် ။

        ဝေလာမသုတ္တ၊ ၂၀န၀က န်ပါတ၊ အင်္ဂုတ္တရနိကာယ
        ဗုဒ္ဓ ဓမ္မ လက်ရွေးစင်
    မောင်သာနိုး မြန်မာပြန် က ကူးပါတယ် ။

ဘာဝနာ အမြတ်ဆုံး ပါဠိ+မြန်မာ

ဘာဝန စိတ္တံ မဟပ္ဖလတရံ
 ( ဘာ ၀ နာ အ မြ တ် ဆုံး )

အနာထပိဏ္ဍိကံ ဘဂ၀ါ ဧတ - ဒဝေါစ -
အနာထပိဏ္ဍိက ကို ဘုရား ဒီလို ဟောတယ် ။
” ဘူတ - ပုဗ္ဗံ ဂဟပတိ ဝေလာမော နာမ ဗြာဟ္မဏော အဟောသိ ။
“ ရှေးတုန်းကပေါ့  အိမ့်ရှင်ရေ . . ၊ ဝေလာမ မည်တဲ့ ဗြာဟ္မဏ ရှိခဲ့တယ် ။
သော ဧ၀ ရူပံဒါနံ အဒါသိ မဟာ - ဒါနံ ။
 သူ ဒီလို အလှူကြီး လှူတယ်
စတုရာသီတိ သုဝဏ္ဏ - ပါတိ - သဟဿာနိ အဒါသိ ရူပိယ - ပူရာနိ၊
ငွေအပြည့် ရွှေခွက် ရှစ်သောင်းလေးထောင် လှူတယ် ၊
စတုရာသီတိ ရူပါယ - ပါတိ သဟဿာနိ အဒါသိ သုဝဏ္ဏ - ပူရာနိ ၊
ရွှေအပြည့် ငွေခွက် ရှစ်သောင်းလေးထောင် လှူတယ် ၊
စတုရာသီတိ ကံသ - ပါတိ - သဟဿာနိ အဒါသိ ဟိရည - ပူရာနိ ၊
ရွှေတုံးအပြည့် ကြေးခွက် ရှစ်သောင်းလေးထောင် လှူတယ် ၊
စတုရာသီတိ ဟတ္ထိ သဟဿာနိ - - - - -
ဆင် ရှစ်သောင်းလေးထောင် …………..
စတုရာသီတိ ရထ - သဟဿာနိ . . . . . . . .
ရထား ရှစ်သောင်းလေးထောင် …………………
စတုရာသီတိ ဓေနု - သဟဿာနိ . . . . . . . .
နို့စားနွားမ ရှစ်သောင်းလေးထောင် ………………..
စတုရာသီတိ ကညာယ သဟဿာနိ . . . . . .
မိန်းကလေး ရှစ်သောင်းလေးထောင် ………….
စတုရာသီတိ ပလ္လင်္က - သဟဿာနိ . . . . . . .
ပလ္လင် ရှစ်သောင်းလေးထောင် …………………..
စတုရာသီတိ ၀တ္ထ ကောဋိ သဟဿာနိ အဒါသိ . . . .
အထည်စ ကုဋေကုဋာ . . .
ခေါမ - သုခုမမာနံ ကော ပန ၀ါဒေါ အန္နဿ ပါနဿ ခဇ္ဇဿ ဘောဇ္ဇဿ လေယျဿ ပေယျဿ နဇ္ဇော မညေ ၀ိဿန္ဒန္တိ ။
ထမင်း၊ ခဲဖွယ်၊ စားဖွယ်၊ လျက်ဖွယ်၊ သောက်ဖွယ်ကတော့ ဘယ်ပြောစရာ ရှိမလဲ ၊ မြစ်ရေ စီးသလို ထင်ရတယ် ။
ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စေ ကံ ဒိဋ္ဌိသမ္ပန္နာနံ ဘောဇေယျ၊
ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အမြင်နဲ့ ပြည့်စုံသူ(သောတာပန်) တစ်ရာကို ကျွေးခဲ့ရင်၊
ဒီထက်ပို အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သတံ ဒိဋ္ဌိသမ္ပန္နာနံ ဘောဇေယျ၊
ယော စေ-ကံ သကဒါဂါမိံ ဘောဇေယျ ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အမြင်နဲ့ ပြည့်စုံသူ(သောတာပန်) တစ်ရာကို ကျွေးတာထက်
သကဒါဂါမ် တစ်ဦးကိုကျွေးခဲ့ရင် ၊ ဒီထက် အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သတံ သကဒါဂါမီနံ ဘောဇေယျ၊
ယော စေ-ကံ အနာဂါမိံ ဘောဇေယျ ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ သကဒါဂါမ် တစ်ရာကို ကျွေးတာထက်၊ အနာဂါမ် တစ်ဦးကို
ကျွေးခဲ့ရင် ဒီထက်အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သတံ အနာဂါမိနံ ဘောဇေယျ၊
ယော စေ-ကံ အရဟန္တံ ဘောဇေယျ ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ အနာဂါမ် တစ်ရာကို ကျွေးတာထက်၊ ရဟန္တာ တစ်ပါးကို
ကျွေးခဲ့ရင် ဒီထက်အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သတံ အရဟန္တာနံ ဘောဇေယျ၊
ယော စေ-ကံ ပစ္စေကဗုဒ္ဓံ ဘောဇေယျ ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊
ရဟန္တာ တစ်ရာကို ကျွေးတာထက်၊ ပစ္စေကဗုဒ္ဓ တစ်ပါးကို
ကျွေးခဲ့ရင် ဒီထက်အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သတံ ပစ္စေကဗုဒ္ဓါနံ ဘောဇေယျ၊
ယော စ တထာဂတံ အရဟန္တံသမ္မာ သမ္ဗုဒ္ဓံ ဘောဇေယျ ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ပစ္စေကဗုဒ္ဓ တစ်ရာကို ကျွေးတာထက်၊ အရဟံ သမ္မာသမ္ဗုဒ္ဓတထာဂတ တစ်ပါးကို ကျွေးခဲ့ရင် ဒီထက်အကျိုးကြီးမယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သမ္မာသမ္ဗုဒ္ဓံ ဘောဇေယျ၊
ယော စ ဗုဒ္ဓပ္ပမုခံ ဘိက္ခု-သံဃံ ဘောဇေယျ ၊ ယောစ စတုဒ္ဒိသံ သံဃံ ဥဒ္ဒိဿ ၀ိဟာရံ ကာရာပေယျ၊
ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်ရင် ၊ ဒီထက်အကျိုးကြီးတယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သမ္မာသမ္ဗုဒ္ဓံ ဘောဇေယျ၊
ယော စ ဗုဒ္ဓပ္ပမုခံ ဘိက္ခု-သံဃံ ဘောဇေယျ ၊ ယောစ စတုဒ္ဒိသံ သံဃံ ဥဒ္ဒိဿ ၀ိဟာရံ ကာရာပေယျ၊
ယော စ ပသန္န စိတ္တော ဗုဒ္ဓဉ္စ ဓမ္မဉ္စ သံဃဉ္စ သရဏံ ဂစ္ဆေယျ ၊ ယော စ ပသန္န စိတ္တော သိက္ခာပဒါနိ သမာဒိယေယျ၊
ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းရင်၊ ဒီထက်အကျိုးကြီးတယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သမ္မာသမ္ဗုဒ္ဓံ ဘောဇေယျ၊
ယော စ ဗုဒ္ဓပ္ပမုခံ ဘိက္ခု-သံဃံ ဘောဇေယျ ၊ ယောစ စတုဒ္ဒိသံ သံဃံ ဥဒ္ဒိဿ ၀ိဟာရံ ကာရာပေယျ၊
ယော စ ပသန္န စိတ္တော ဗုဒ္ဓဉ္စ ဓမ္မဉ္စ သံဃဉ္စ သရဏံ ဂစ္ဆေယျ ၊ ယော စ ပသန္န စိတ္တော သိက္ခာပဒါနိ သမာဒိယေယျ၊
ယော စ အန္တမသော ဂန္တောဟန မတ္တမ္ပိ မေတ္တ-စိတ္တံ ဘာဝေယျ၊ ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းတာထက်၊ နံ့သာကိုလက်နဲ့ ယူသလောက် (နွားနို့တစ်ညှစ်စာ) မေတ္တာစိတ်ကို ပွားများရင် ၊ ဒီထက်အကျိုးကြီးတယ် ။

ယံ ဂဟပတိ ဝေလာမော ဗြာဟ္မဏော ဒါနံ အဒါသိ မဟာ - ဒါနံ၊ ယော စ သမ္မာသမ္ဗုဒ္ဓံ ဘောဇေယျ၊
ယော စ ဗုဒ္ဓပ္ပမုခံ ဘိက္ခု-သံဃံ ဘောဇေယျ ၊ ယောစ စတုဒ္ဒိသံ သံဃံ ဥဒ္ဒိဿ ၀ိဟာရံ ကာရာပေယျ၊
ယော စ ပသန္န စိတ္တော ဗုဒ္ဓဉ္စ ဓမ္မဉ္စ သံဃဉ္စ သရဏံ ဂစ္ဆေယျ ၊ ယော စ ပသန္န စိတ္တော သိက္ခာပဒါနိ သမာဒိယေယျ၊
ယော စ အန္တမသော ဂန္တောဟန မတ္တမ္ပိ မေတ္တ-စိတ္တံ ဘာဝေယျ၊ ယော စ အစ္ဆရာ သင်္ဃာ မတ္တမ္ပိ အနိစ္စ သညံ ဘာဝေယျ၊
ဣဒံ တတော မဟပ္ဖလတရံ ။
ဒီ ဝေလာမ ဗြာဟ္မဏ ဟာ အလှူကြီး လှူတာထက် ၊ ဗုဒ္ဓ တစ်ပါးတည်းကို ကျွေးတာထက်၊ ဗုဒ္ဓအမှူးပြုတဲ့ ရဟန်းအဖွဲ့ကို ကျွေးတာ ၊ အရပ်လေးမျက်နှာက ရဟန်းအဖွဲ့ အတွက်ရည်စူးပြီး ကျောင်းဆောက်တာထက် ၊ ကြည်ညိုတဲ့စိတ်နဲ့ ဗုဒ္ဓ၊ ဓမ္မ၊ သံဃ ကို ကိုးကွယ်ရာရသွားရင်၊ ကြည်ညိုတဲ့စိတ်နဲ့ ငါးပါးသီလကို ထိန်းတာထက်၊ နံ့သာကိုလက်နဲ့ ယူသလောက် (နွားနို့တစ်ညှစ်စာ) မေတ္တာစိတ်ကို ပွားများတာထက်၊ လက်ဖျစ်တစ်တွက်လောက် မမြဲတဲ့ သဘောကို ပွားများရင် ။ ဒီထက်အကျိုးကြီးတယ် ။

        ဝေလာမသုတ္တ၊ ၂၀န၀က န်ပါတ၊ အင်္ဂုတ္တရနိကာယ
        ဗုဒ္ဓ ဓမ္မ လက်ရွေးစင်
    မောင်သာနိုး မြန်မာပြန် က ကူးပါတယ် ။

ဘဒ္ဒေကရတ္တသုတ္တန်

    ဘဒ္ဒေကရတ္တ သုတ္တ
________________
( ကောင်းသောညပိုင်ရှင် )
___________________
အတီတံ နာနွာဂမေယျ ၊ နပ္ပဋိကင်္ခေ အနာဂတံ ။
ယဒတီတံ ပဟီနံတံ ၊ အပ္ပတ္တဉ္စ အနာဂတံ ။

ပစ္စုပ္ပန္နဉ္စ ယော ဓမ္မံ ၊ တတ္ထ တတ္ထ ၀ိပဿတိ ။
အသံဟီရံ အသံကုပ္ပံ ၊ တံ ၀ိဒွါ မနုဗြူဟယေ ။

အဇ္ဖေ၀ ကိစ္စမာတပ္ပံ ၊ ကောဇညော မရဏံသုဝေ ၊
န ဟိ နော သင်္ဂရံ တေန ၊ မဟာသေနေန မစ္စုနာ ။

ဧ၀ံ ၀ိဟာရိံ အာတာပိံ ၊ အဟောရတ္တမတန္ဒတံ ၊
တံ ဝေ “ ဘဒ္ဒေကရတ္တော” တိ ၊ သန္တော အာစိက္ခတေ မုနိ ။

အတီတံ ၊ အတိတ်ဖြစ်သော ၊
ယံ ၊ အကြင်ခန္ဓာငါးပါးသည် ၊
အတ္ထိ ၊ ရှိ၏ ။
တံ ။ ထိုအတိတ်ခန္ဓာငါးပါးသည်၊
( ယသ္မာ၊ အကြင်ကြောင့် ) ပဟီနံ၊ ချုပ်ပျောက်ပြီ ။
( တသ္မာ ၊ ထို့ကြောင့် ) အတီတံ၊ အတိတ်ဖြစ်သော ခန္ဓာငါးပါးသို့ ။
နာနွာဂမေယျ၊ (တဏှာ ဒိဋ္ဌိတို့ဖြင့် ) မလိုက်ရာ ။
အနာဂတံ ၊ အနာဂတ်ဖြစ်သော၊
ယံ ၊ အကြင် ခန္ဓာငါးပါးသည် ၊
အတ္ထိ၊ ရှိ၏ ။
တဉ္စ ၊ ထိုအနာဂတ်ဖြစ်သော ခန္ဓာငါးပါးသည်လည်း ၊
( ယသ္မာ၊ ကြောင့်)၊ အပ္ပတ္တံ ၊ မရောက်သေး ။ မဖြစ်ပေါ်သေး။
( တသ္မာ၊ ထို့ကြောင့် ) အနာဂတံ ၊ အနာဂတ်ဖြစ်သောခန္ဓာငါးပါးကိုလည်း၊
နပ္ပဋိကင်္ခေ ၊ ( တဏှာ ဒိဋ္ဌိတို့ဖြင့် မမျှော်လင့် ) မတောင့်တရာ ။

ယော ၀ိဒွါ ၊ အကြင်ပညာရှိသော ရဟန်းသည်၊
ပစ္စုပ္ပန္နံ ၊ ပစ္စုပ္ပန်ဖြစ်သော ၊
ဓမ္မဉ္စ ၊ ခန္ဓာငါးပါးတရားကိုသာလျှင်၊
တတ္ထ တတ္ထ ၊ ထိုထို ခဏ ထိုထိုတရားအစု၌ သာလျှင်၊
ဝိပဿတိ ၊ ရှု၏ ။
အသံဟီရံ ၊ တဏှာဒိဋ္ဌိတို့သည် မဆွဲငင်အပ်သော ။
အသံကုပ္ပံ ၊ ပျက်စီးခြင်းမရှိသော ၊
တံ ၊ ထိုဝိပဿနာဉာဏ်ကို ၊
( သော ၀ိဒွါ ၊ ထိုပညာရှိရဟန်းသည် )
အနုဗြူဟယေ ၊ ပွားများ ( အားထုတ် ) ရာ၏ ။


အဇ္ဇေ၀ ၊ ယနေ့ပင်လျှင်၊ အာတပ္ပံ ၊ လုံ့လကို ၊ ကိစ္စံ- ကာတဗ္ဗံ၊ ပြုအပ်၏ ။
ကော ၊ အဘယ်မည်သောသူသည် ။ သုဝေ ၊ မနက်ဖြန်ကျမှ ။
မရဏံ ၊ သေမည် ( ရှင်မည် )ကို ။
ဇညာ ၊ သိနိုင်ရာအံ့နည်း။ ဟိ ၊ မှန်၏ ။
နော ၊ ငါတို့အား ။
မဟာသေနေန ၊ များသောစစ်သည်ရှိသော ။
တေန မစ္စုနာ ၊ ထိုသေမင်း နှင့် အတူတကွ ။
သင်္ဂရံ ၊ ချိန်းချက်ထားခြင်းသည် ။ န ၊ မရှိ ။

ဧ၀ံ ၀ိဟာရိံ ၊ ဤသို့နေလေ့ရှိသော ။
အာတာပိံ ၊ ( ကိလေသာကို ပူပန်စေတတ်သော ) လုံ့လရှိသော ။
အဟောရတ္တံ ၊ နေ့ညဥ့်ပတ်လုံး ။
အတန္ဒိတံ ၊ မပျင်းမရိသော ။ တံ ၊ ထို ပုဂ္ဂိုလ်ကို ။
ဘဒ္ဒေကရတ္တောတိ ၊ ဘဒ္ဒေကရတ္တ ကောင်းသောညပိုင်သူပုဂ္ဂိုလ် ဟူ၍ ။
သန္တော ၊ ငြိမ်းအေးတော်မူပြီးသော ။
မုနိ ၊ မြတ်စွာဘုရားသည် ။ အာစိက္ခိတေ ၊ ဟောကြားတော်မူ၏ ။

ဥပရိပဏ္ဏာသ ပါဠိတော် ။ ၀ိဘင်္ဂ၀ဂ် ။

ကောင်းသောည ပိုင်ရှင်

အတိတ်ကို ပြန်မလိုက်ရဘူး၊
အနာဂတ်ကို မမျှော်ရရဘူး။

အတိတ်က ပယ်ခဲ့ရပြီလေ၊
အနာဂတ်က မရောက်ရသေး ။

ခုဖြစ်နေတဲ့ အကြောင်းကိုသာ၊
ဒီမှာ ဒီမှာ ရှုမြင်ပါစေ ။

မယိမ်းမယိုင် မတိမ်းမစောင်း
ဒါ ပညာနဲ့ ပွားစေရမယ် ။

ကနေ့ပဲ လုပ်စရာ လုပ်ရမယ် ၊
ဘယ်သူ သိမလဲ နက်ဖြန် သေမှာ ။

သူနဲ့ စကားဆိုမထားဘူး ၊
သေမင်း နဲ့ သူ့ စစ်တပ်ကြီးနဲ့ ။

ဒီလို လုံ့လ နဲ့ နေသူကို
“ ကောင်းမွန်ည တစ်ည ” ရသူလို့
ငြိမ်းချမ်း မုနိက ခေါ်ထားတယ် ။

     ဘာသာပြန် - မောင်သာနိုး
ဤသုတ္တန် တစ်ခုလုံးကိုလည်း
ဆက်လက်ဖေါ်သွားပါမည် ။

ကောင်းသောည

ကောင်းသောည ပိုင်ရှင်

အတိတ်ကို ပြန်မလိုက်ရဘူး၊
အနာဂတ်ကို မမျှော်ရဘူး။

အတိတ်က ပယ်ခဲ့ရပြီလေ၊
အနာဂတ်က မရောက်ရသေး ။

ခုဖြစ်နေတဲ့ အကြောင်းကိုသာ၊
ဒီမှာ ဒီမှာ ရှုမြင်ပါစေ ။

မယိမ်းမယိုင် မတိမ်းမစောင်း
ဒါ ပညာနဲ့ ပွားစေရမယ် ။

ကနေ့ပဲ လုပ်စရာ လုပ်ရမယ် ၊
ဘယ်သူ သိမလဲ နက်ဖြန် သေမှာ ။

သူနဲ့ စကားဆိုမထားဘူး ၊
သေမင်း နဲ့ သူ့ စစ်တပ်ကြီးနဲ့ ။

ဒီလို လုံ့လ နဲ့ နေသူကို
“ ကောင်းမွန်ည တစ်ည ” ရသူလို့
ငြိမ်းချမ်း မုနိက ခေါ်ထားတယ် ။                    ။

                               ဘာသာပြန် - မောင်သာနိုး

ကေသမုတ္တိသုတ်

ကေသမုတ္တိသုတ်
------------------------------
ငါ ဒီလို ကြားခဲ့တယ် ။ တခါတော့ မြတ်စွာဘုရားဟာ ကောသလတိုင်းမှာ ရဟန်းအဖွဲ့ကြီးနဲ့အတူ
ခရီးလှည့်စဉ် ကေသမုတ္တိမည်တဲ့ မြို့ကလေးကိုရောက်လာတယ်။ ကေသမုတ္တိသား ကာလာမတွေ ကြားကြတယ် ။
            ” သကျမျိုးက ရဟန်းပြုခဲ့တဲ့ သကျသား ရဟန်းအရှင် ဂေါတမ ကေသမုတ္တိကို ရောက်လာပြီ တဲ့ ။ ဒီ အရှင်ဂေါတမ နဲ့ ပတ်သက်လို့ ဒီလို ကောင်းသတင်း ကျော်ကြားတယ် ၊ ဒီမြတ်စွာဘုရားဟာ ထိုက်တန်သူ၊ လုံးဝဉာဏ်အလင်းရသူ၊ အသိ - အကျင့် ပြည့်စုံသူ၊ အလာကောင်းသူ၊ လောကသိသူ၊ ပြိုင်စံကင်းတဲ့ ယဉ်ကျေးစေရမယ့်ယောက်ျားတို့ရဲ့ ရထားထိန်း၊ နတ်လူတို့ရဲ့ ဆရာ၊ ဗုဒ္ဓ၊ မြတ်စွာဘုရား ”တဲ့၊ ဒီလို ထိုက်တန်သူကို ဖူးမျှော်ရရင် ကောင်းမယ်” တဲ့ ။
  အဲဒီနောက် ကေသမုတ္တိသား ကာလာမတို့ဟာ မြတ်စွာဘုရားရှိရာ ချဉ်းကပ်လာကြတယ်။ ချဉ်းကပ်ပြီး တချို့က ဘုရားကိုရှိခိုးကာ အစွန်တစ်ခုမှာ ထိုင်ကြတယ် ။တချို့က ဘုရားနဲ့ နှုတ်ခွန်းဆက်၊ နှုတ်ဆက်ပြောစရာရှိတာ ပြောပြီး အစွန်တစ်ခုမှာ ထိုင်ကြတယ်၊ တချို့က ဘုရားဆီ လက်အုပ်ချီ ပြီး အစွန်တစ်ခုမှာ ထိုင်ကြတယ်။ တချို့က အမည် မျိုးနွယ် အမည်ကို ကြေငြာကာ အစွန်တစ်ခုမှာ ထိုင်ကြတယ် ။ တချို့က တိတ်တိတ်ဆိတ်ဆိတ်ပဲ အစွန်တစ်နေရာမှာ ထိုင်ကြတယ် ။ အစွန်တစ်နေရာမှာ ထိုင်ကြပြီး ကေသမုတ္တိသားကာလာမတို့က ဘုရားကို ဒီလိုပြောကြတယ် ။
  ” အရှင်ဘုရား အချို့ရဟန်းဗြဟ္မဏတွေ ကေသမုတ္တိကို လာကြတာ ရှိပါတယ်။ သူတို့ဟာ ကိုယ့်ဝါဒကို
ရှင်းပြ လင်းပြပါတယ် ။ သူတစ်ပါး ၀ါဒကို ပုတ်ခတ် ပြစ်တင် ရှုတ်ချ မကောင်းပြောကြပါတယ်။ အရှင်ဘုရား သူတို့နဲ့ ပတ်သက်ပြီး တပည့်တော်တို့မှာ သံသယ ဖြစ်၊ ယုံမှား ဖြစ်ရပါတယ် ။ဒီရဟန်းသမဏတွေထဲက ဘယ်သူအမှန်ပြောလဲ၊ ဘယ်သူအမှားပြောလဲ လို့ ။ ”
  ”” နင်တို့ သံသ ဖြစ်မှာပဲ၊ ယုံမှား ဖြစ်မှာပဲ၊ ကာလာမတို့ ၊ သံသယဖြစ်ထိုက်ရာမှာ ယုံမှားဖြစ်ရတာပါပဲ ။
                ” ကာလာမတို့ . . . . .
  သူများပြောတာ မယူနဲ့ ။
  လက်ဆင့်ကမ်းလာလို့ မယူနဲ့ ။
  ကျမ်းစာထဲပါလို့ မယူနဲ့ ။
  ယုတ္တိဗေဒကြောင့် မယူနဲ့ ။
  နယဗေဒကြောင့် မယူနဲ့ ။
  အခြင်းအရာကြံဆ မယူနဲ့ ။
  အမြင်အတွေးကြိုက်ပြီး မယူနဲ့ ။
  ဖြစ်နိုင်ပုံကြည့် မယူနဲ့ ။
  ရဟန်းက ငါတို့လေးစားရသူဆိုပြီး မယူနဲ့ ။
  နင်တို့ ကာလာမတို့ ကိုယ်တိုင်က ”” ဒီတရားတွေ မကောင်းဘူး၊ ဒီတရားတွေ အပြစ်ဆိုစရာပဲ၊
ဒီတရားတွေ ပညာ၇ှိ ကဲ့ရဲ့စရာပဲ ၊ င်္ဒတရားတွေ ယူရင် ကျင့်ရင် အကျိုးမဲ့ဖို့ပဲ ၊ ဆင်းရဲဖို့ပဲဖြစ်လိမ့်မယ် ”” လို့ သိရင်၊ နင်တို့
ကာလာမတွေ စွန့်ပစ်ရမယ် ။
ဒါ ဘယ်လိုထင်လဲ ကာလာမတို့ ၊ လူ့အတွင်းမှာ လောဘ ဖြစ်ပေါ်လာရင်၊ အကျိုးရှိဖို့လား၊ အကျိုးမဲ့ဖို့လား ။
“ အကျိုးမဲ့ဖို့ပါ ဘုရား ”။
လောဘကြီးသူ အဲဒီ လူပုဂ္ဂိုလ်ဟာ စိတ်ကို လောဘ လွှမ်းမိုး၊ ကြီးစိုး၊ ကြီးစိုးသမို့ အသက်ကို သတ်တယ်၊ မပေးတာကို ယူတယ် ။ တစ်ပါးအိမ်ရာ သွားလာတယ်၊ မမှန်တာ ပြောတယ်၊ သူများကိုလည်း တိုက်တွန်းတယ်၊ ဆိုရင် ဒါ အရှည် အကျိုးမဲ့ဖို့ ဆင်းရဲဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါပဲ အရှင်ဘုရား ” ။
ဒါ ဘယ်လိုထင်လဲ ကာလာမတို့ ၊ လူ့အတွင်းမှာ ဒေါသ ဖြစ်ပေါ်လာရင်၊ အကျိုးရှိဖို့လား၊ အကျိုးမဲ့ဖို့လား ။
“ အကျိုးမဲ့ဖို့ပါ ဘုရား ”။
ဒေါသကြီးသူ အဲဒီ လူပုဂ္ဂိုလ်ဟာ စိတ်ကို လောဘ လွှမ်းမိုး၊ ကြီးစိုး၊ ကြီးစိုးသမို့ အသက်ကို သတ်တယ်၊ မပေးတာကို ယူတယ် ။ တစ်ပါးအိမ်ရာ သွားလာတယ်၊ မမှန်တာ ပြောတယ်၊ သူများကိုလည်း တိုက်တွန်းတယ်၊ ဆိုရင် ဒါ အရှည် အကျိုးမဲ့ဖို့ ဆင်းရဲဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါပဲ အရှင်ဘုရား ” ။
ဒါ ဘယ်လိုထင်လဲ ကာလာမတို့ ၊ လူ့အတွင်းမှာ မောဟ ဖြစ်ပေါ်လာရင်၊ အကျိုးရှိဖို့လား၊ အကျိုးမဲ့ဖို့လား ။
“ အကျိုးမဲ့ဖို့ပါ ဘုရား ”။
မောဟကြီးသူ အဲဒီ လူပုဂ္ဂိုလ်ဟာ စိတ်ကို လောဘ လွှမ်းမိုး၊ ကြီးစိုး၊ ကြီးစိုးသမို့ အသက်ကို သတ်တယ်၊ မပေးတာကို ယူတယ် ။ တစ်ပါးအိမ်ရာ သွားလာတယ်၊ မမှန်တာ ပြောတယ်၊ သူများကိုလည်း တိုက်တွန်းတယ်၊ ဆိုရင် ဒါ အရှည် အကျိုးမဲ့ဖို့ ဆင်းရဲဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါပဲ အရှင်ဘုရား ” ။
ဒါ ဘယ်လိုထင်လဲ ကာလာမတို့ ၊ ဒီတရားတွေဟာ ကောင်းသလား၊ မကောင်းဘူးလား။
“မကောင်းပါ အရှင်ဘုရား ”
အပြစ်ဆိုစရာလား၊ မဆိုစရာလား ။
“ အပြစ်ဆိုစရာပါ ၊ ဘုရား ။ ”
ပညာရှိ ကဲ့ရဲ့စရာလား ချီးကျူးစရာလား၊
“ ပညာရှိ ကဲ့ရဲ့စရာပါ ဘုရား ။
ယူရင် ကျင့်ရင် အကျိုးမဲ့ဖို့ ဆင်းရဲဖို့ ဖြစ်သလား၊ မဖြစ်ဘူးလား၊ ဘယ်လို အထင်ရသတုန်း ။
“ ယူရင် ကျင့်ရင် အကျိုးမဲ့ဖြစ်၊ ဆင်းရဲဖြစ်ပါတယ် ၊ အရျင်ဘုရား ။ အဲသလို အထင်ရပါတယ် ဘုရား ။ ”
အဲသလို သိရင် စွန့်ပစ်ရမယ်လို့ ဒါကြောင့် ပြောတာ ။

 ဒါ ဘယ်လိုထင်လဲ ကာလာမတို့ ၊ လူ့အတွင်းမှာ လောဘမဲ့ ဖြစ်ပေါ်ရင် အကျိုးမဲ့ဖို့လား၊ အကျိုးရှိဖို့လား ။
“ အကျိုးရှိဖို့ပါ အရှင်ဘုရား ”
လောဘမရှိသူ လူပုဂ္ဂိုလ်ဟာ စိတ်ကို လောဘ မလွှမ်းမိုး၊ မကြီးစိုးသမို့ အသက်ကို မသတ်ဘူး၊ မပေးတာကို မယူဘူး ။ သူတစ်ပါးအိမ်ရာ မသွားလာဘူး၊ သူများကိုလည်း မတိုက်တွန်းဘူး ဆိုရင် ဒါ အရှည် အကျိုးရှိဖို့ ချမ်းသာဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါ အရှင်ဘုရား ” ။

ဒါ ဘယ်လိုထင်လဲ ကာလာမတို့ ၊ လူ့အတွင်းမှာ ဒေါသမဲ့ ဖြစ်ပေါ်ရင် အကျိုးမဲ့ဖို့လား၊ အကျိုးရှိဖို့လား ။
“ အကျိုးရှိဖို့ပါ အရှင်ဘုရား ”
ဒေါသမရှိသူ လူပုဂ္ဂိုလ်ဟာ စိတ်ကို ဒေါသ မလွှမ်းမိုး၊ မကြီးစိုးသမို့ အသက်ကို မသတ်ဘူး၊ မပေးတာကို မယူဘူး ။ သူတစ်ပါးအိမ်ရာ မသွားလာဘူး၊ သူများကိုလည်း မတိုက်တွန်းဘူး ဆိုရင် ဒါ အရှည် အကျိုးရှိဖို့ ချမ်းသာဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါ အရှင်ဘုရား ” ။

ဒါ ဘယ်လိုထင်လဲ ကာလာမတို့ ၊ လူ့အတွင်းမှာ မောဟမဲ့ ဖြစ်ပေါ်ရင် အကျိုးမဲ့ဖို့လား၊ အကျိုးရှိဖို့လား ။
“ အကျိုးရှိဖို့ပါ အရှင်ဘုရား ”
မောဟမရှိသူ လူပုဂ္ဂိုလ်ဟာ စိတ်ကို မောဟ မလွှမ်းမိုး၊ မကြီးစိုးသမို့ အသက်ကို မသတ်ဘူး၊ မပေးတာကို မယူဘူး ။ သူတစ်ပါးအိမ်ရာ မသွားလာဘူး၊ သူများကိုလည်း မတိုက်တွန်းဘူး ဆိုရင် ဒါ အရှည် အကျိုးရှိဖို့ ချမ်းသာဖို့ မဖြစ်ပေဘူးလား ကာလာမတို့ ။
“ အဲဒီ အတိုင်းပါ အရှင်ဘုရား ” ။
အကျိုးရှိတယ်၊ ချမ်းသာဖို့ ဖြစ်တယ်လို့ သိရင် ကျင့်သုံးရမယ်လို့ ဒါကြောင့်ပြောတာ ဖြစ်တယ်။

ကာလာမတို့၊ အရိယာ တပြည့်ဟာ အဲသလို မက်မောမှုကင်း၊ မုန်းတီးမှုကင်း၊ တွေဝေမှုကင်း၊ ကောင်းကောင်းနားလည် သတိရှိသမို့၊ မေတ္တာ ယှဉ် တဲ့ စိတ်နဲ့ ၊ အရပ်တစ်မျက်နှာကို စီးဖြန်းကာ နေတယ်။ အလားတူ နောက်တစ်မျက်နှာ
အလားတူ တတိယ၊ အလားတူ စတုတ္ထ ။ ဒီလို အတက်အောက် နံလျား အားလုံးတည် အားလုံးဖြစ် အားလုံးရှိ လောကကို
မေတ္တာ ၊ ကရုဏာ ၊ မုဒိတာ၊ ဥပေက္ခာ ယှဉ်တဲ့ ၊ ကြည်လင်တဲ့ ကြီးမားတဲ့ အတိုင်းမသိတဲ့ ရန်မလိုတဲ့ မမုန်းတီးတဲ့စိတ်နဲ့
စီးဖြန်းကာ နေတယ် ။
  ကာလာမတို့၊ ဒီလို ရန်မလိုတဲ့ စိတ်၊ ဒီလို မမုန်းတီးတဲ့ စိတ်၊ ဒီလို မညစ်ညူးတဲ့ စိတ်၊ သန့်စင်တဲ့ စိတ်ရှိတဲ့
အရိယာတပည့်မှာ ဒီမျက်မှောက် ဘ၀မှာပဲ နှစ်သိမ့်ရာ လေးပါး ရရှိတယ် ။
၁ ။ တကယ်လို့ နောက်ဘ၀ရှိခဲ့ရင် ကောင်းမှု မကောင်းမှု အပြုတွေရဲ့ အကျိုးရလဒ် ရယ်လို့ ရှိခဲ့ရင်၊ ကိုယ်ခန္ဓာ  
ပျက်ပြား သေခြင်း နောက်မှာ လားရာကောင်း၊ နတ်ဘုံ လောကမှာ ဖြစ်ရလိမ့်မယ် ။ ဒါ သူ့မှာ ပထမ နှစ်သိမ့်ရာ ရရှိတာပါပဲ။
၂ ။ တကယ်လို့ နောက်ဘ၀ မရှိဘူး၊ ကောင်းမှု မကောင်းမှု အပြုတွေရဲ့ အကျိုးရလဒ် ရယ်လို့ မရှိဘူးဆိုရင်လည်း
     ငါက ဒီမျက်မှောက် ဘ၀မှာပဲ ရန်မရှိ မုန်းတီးမှုမရှိ စိုးရိမ်းကင်း ချမ်းချမ်းသာသာ ကိုယ်ကို သယ်ဆောင်ရတယ် ။
      ဒါ သူ့မှာ ဒုတိယ နှစ်သိမ့် ရာ ရရှိတာပါပဲ ။
၃ ။ တကယ်လို့ ( မကောင်း ) ပြုသူ မကောင်းခံရရင် ၊ ငါကတော့ ဘာမကောင်းတာမှ မမြင်ဘူး။ မကောင်းတဲ့ အမှုကို
      မပြုထားတော့ ဘယ်ကနေ ဆင်းရဲခံစားရမှာလဲ ။ ဒါ သူ့မှာ တတိယ နှစ်သိမ့်ရာ ရရှိတာပါပဲ ။
၎ ။ တကယ်လို့ ( မကောင်း ) ပြုသူ မကောင်းခံရရင် ၊ ငါကတော့ နှစ်ဘက် စလုံးမှာ စင်စင်ကြယ်ကြယ် စိတ်ကိုရှုတာတဲ့။
       ဒါ သူ့မှာ စတုတ္ထ နှစ်သိမ့်ရာရရှိတာပါပဲ ။
      ကာလာမတို့ ၊ ဒီလို ရန်မလိုတဲ့ စိတ်၊ ဒီလို မမုန်းတီး တဲ့ စိတ်၊ ဒီလို မညစ်ညူးတဲ့စိတ် သန့်စင်တဲ့ စိတ်နဲ့ အရိယာ တပည့်မှာ ဒီ မျက်မှောက်ဘ၀မှာ ပဲ နှစ်သိမ့်ရာလေးပါး ရရှိတယ် ။
       “ အဲဒီအတိုင်းပါ အရှင်ဘုရား ။ အဲဒီအတိုင်းပါ အလာကောင်းသူဘုရား ။
…………….. ကောင်းလှပါရဲ့ အရှင်ဘုရား ။ ကောင်းလှပါရဲ့၊ မှောက်ထားတာကို လှန်လိုက်သလို၊ ဖုံးထားတာကို ဖွင့်ပြလိုက်သလို ၊ မျက်စိလည်သူကို လမ်းညွန်ပြလိုက်သလို၊ မျက်စိရှိသူတို့ကို မြင်ကြရအောင် အမှောင်ထုထဲ ဆီမီးခွက်
ယူလာသလို ဒီလို ဒီလို အရှင်ဘုရားက နည်းမျိုးစုံနဲ့ တရားကို ညွှန်ပြခဲ့ပေရဲ့။ တပည့်တော်တို့ မြတ်စွာဘုရားဆီ၊ တရားဆီရော၊ ရဟန်းအဖွဲ့ဆီပါ ကိုးကွယ်ရာရသွားကြပါတယ် ။ အရှင်ဘုရား တပည့်တော်တို့ကို ဥပါသကာများအဖြစ် လက်ခံတော်မူပါ ။ ကနေ့က စပြီး သက်ဆုံးတိုင် ကိုးကွယ်ရာ ရောက်ခဲ့ပါပြီ “ တဲ့ ။ ။

                                                                                အင်္ဂုတ္တရ နိကာယ ၊ ၂၊ ၁၈၉။
             ဗုဒ္ဓ ဓမ္မ လက်ရွေးစင်
မောင်သာနိုး မြန်မာပြန် က ကူးပါတယ် ။